Shpërndanin heroinë, goditet grupi i trafikantëve në Berat, sekuestrohen lekë, armë e dy mjete

Policia e Beratit ka arrestuar katër persona, pasi akuzohen për shpërndarje heroine. Tre prej personave të arrestuar rezultojnë të dënuar më parë për veprën penale të prodhimit dhe shitjes së lëndëve narkotike.

Uniformat blu kanë finalizuar operacionin 'Çelepiasi', duke sekuestruar 3.5 gramë heroinë, një shumë parash, një armë gjahu, tre telefona dhe dy automjete, ndërsa janë arrestuar shtetasit Argent Myftari, Françesko Mehmetaj, Alvaro Merka dhe Geri Molishti.


Heroina dhe sendet e sekuestruar nga policia

Njoftimi i policisë:
Finalizohet operacioni i koduar "Çelepiasi". Operacioni nga Sektori për Hetimin e Narkotikëve në Drejtorinë Vendore të Policisë Berat në bashkëpunim me Prokurorinë e Rrethit Gyqësor Berat.

Operacioni me metoda speciale të hetimit pas një hetimi një mujor. Arrestohen në flagrancë 4 shtetas që shpërndanin lëndë narkotike të llojit Heroinë. Nga Specialistët e Seksionit për Hetimin e Narkotikëve në DVP.Berat, u bë arrestimi në flagrancë i shtetasve:

LEXO EDHE:
Çelet ekspozita tek “Onufri”, mes objekteve monedha 500-she me elementë të Kodikut të Purpurt të Beratit

•Argent Myftari, 31 vjeç, banues në Berat.

•Françesko Mehmetaj, 19 vjeç, banues në Kuçovë, (i dënuar më parë për veprën penale Prodhim dhe shitje të lëndëve narkotike)

•Alvaro Merka, 37 vjeç, banues në Kuçovë, (i dënuar më parë për veprën penale Prodhim dhe shitje të lëndëve narkotike)

•Geri Molishti, 36 vjeç, banues në Berat, (i dënuar më parë për veprën penale Prodhim dhe shitje të lëndëve narkotike)

Arrestimi i shtetasve të lartpërmendur u bë në kuadër të operacionit "Çelepiasi", me metoda speciale të hetimit.

Gjatë kontrollit fizik dhe në banesat shërbimet e policisë iu gjetën dhe sekuestruan në cilësinë e provës materiale:

. 17 doza të dyshuara si lëndë narkotike e llojit Heroinë me peshë 3.5 gram, një dozë Cannabis Sativa, fara të dyshuara narkotike, një bimë e kultivuar narkotike.

. Një armë gjahu çifte me 4 fishekë, e dyshuar si e vjedhur në datën 19.05.2018 në banesën e shtetasit J.Q.

. Një shumë lekësh, tre telefona dhe dy automjete.

Materialet i kaluan Prokurorisë së Rrethit Gjyqësor Berat për veprën penale, “Prodhimi dhe shitja e narkotikëve, kryer në bashkëpunim, “Kultivimi i bimëve narkotike”, “Vjedhja”, “Prodhimi dhe mbajtja pa leje e armeve të gjahut dhe armve sportive”, parashikuar nga neni 283/2 284, 134, 280 Kodit Penal


Heroina e sekuestruar

TAG:
• heroine
• Berat

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.2%

• Jo

  72%

• Nuk e di

  8.7%

Vota total: 2607

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di