Skandali i emetimit të gazrave/Arrestohet shefi i 'Audi'-t në Gjermani

Shefi ekzekutiv i gjigandit gjerman të makinave, 'Audi', është arrestuar në lidhje me hetimet e skandalit të gazrave të naftës që emetohen nga automjetet e këtij prodhimi. Sipas Bild, Rupert Stadler është arrestuar në banesën e tij në Ingolstadt. Prokurorët thanë se ata vepruan me shpejtësi pasi ekzistonte rreziku që Stadler të dëmtonte provat. 

Ata shtuan se Stadler do të merret në pyetje nga e mërkura. Sipas gazetës Bild, nuk ekziston mundësia që ai të lirohet me kusht përkundrejt pagesës së garancisë. 'Audi' është përfshirë në skandalin e emetimit të gazrave. Muajin e shkuar, kompania pranoi se 60 mijë modele A6 dhe A7 kanë pasur probleme me softuerin e shkarkimit të gazrave.

Skandali i çështjes së shkarkimit të gazrave të naftës shpërtheu në vitin 2015. Volkswagen, kompania nënë e Audi-t, pranoi se ka shitur më shumë se 600 mijë makina në SHBA, të pajisura me një softuer mashtrues, që manipulonte të dhënat e ndotjes.

Kompania e pranoi më vonë se kishte instaluar këtë softuer në më shumë se 11 milion makina nafte në mbarë botën. Softueri e dallonte kur po testohej dhe ulte emetimin e gazrave. Ndërsa kur makina është në rrugë, nivelet e ndotjes janë praktikisht shumë më të larta, deri në 40 herë.

LEXO EDHE:
Panairi i Teknologjisë në Hanover, Veliaj: Interes i jashtëzakonshëm për zonën e lirë ekonomike

TAG:
• gjermani
• audi
• Rupert Stadle

Sondazhi i ditës:

Sa i përhapur është korrupsioni në Shqipëri?

• Shumë

  86.3%

• Pak

  8.2%

• Nuk e di

  5.5%

Vota total: 805

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di