Skënderbeu: Ja kur pritet të flasë CAS-i, kërkuam pezullimin e vendimit të Apelit

KORÇE-Klubi i Skënderbeut pret me ankth vendimin e CAS pas dënimit nga UEFA me 10 vite përjashtim dhe 1 mln euro gjobë për trukim ndeshjesh. Klubi kampion i Shqipërisë sqaron se Skënderbeu ka paraqitur në CAS, kërkesën për pezullimin e efekteve të vendimit të komisionit të apelit pranë UEFA-s dhe është në pritje të një vendimi i cili pritet të merret brenda kësaj javë. Skënderbeu kërkon që të jetë pjesë e shortit për Champions League që do të hidhet në ditët në vijim, pasi rrezikon pjesëmarrjen në kompeticionin elitar të klubeve në Europë.

Duke ndjekur me vëmendje interesin e treguar gjatë ditës së sotme në lidhje me një vendim të mundshëm nga CAS - Gjykata e Arbitrazhit Sportiv, dëshirojmë t’iu bëjmë me dije se nuk ka ende një vendim në lidhje me kërkesën e paraqitur nga KF Skënderbeu.

- Ashtu si edhe ju kemi njoftuar paraprakisht, Klubi i Futbollit ‘Skënderbeu’ ka paraqitur në CAS, kërkesën për pezullimin e efekteve të vendimit të komisionit të apelit pranë UEFA-s dhe jemi në pritje të një vendimi i cili pritet të merret brenda kësaj javë.

LEXO EDHE:
Seria A siguron 5 ekipe në Champions League sezonin e ardhshëm, numri mund të shkojë në 6! Përcaktuese Europa League

- Duke marrë shkas nga paqartësitë e shfaqura, interesin e madh dhe pritshmeritë tuaja ju informojmë se nuk ka një datë ose orar të paracaktuar. Në momentin që klubi do të njihet me vendimin, do të bëhet publik për mediat dhe opinion publik.

Skënderbeu

Nëse Skënderbeu nuk lejohet, në Champions League do të marrë pjesë ekipi i Kukësit, ndërsa një vend në Europa League fiton skuadra e Partizanit.

TAG:
• champions league
• skenderbeu
• uefa
• gjykata e arbitrazhit sportiv

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.6%

• Jo

  73.9%

• Nuk e di

  7.5%

Vota total: 1013

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di