Sonte përcaktohen finalistet e Europa League, Atletico pret Arsenalin

Sonte në mbrëmje përcaktohen skuadrat finaliste të këtij edicioni të Europa League. Atletico Madrid-Arsenal është gjysmëfinalja e kthimit me më shumë interes që do të luhet në një atmosferë fantastike në stadiumin “Wanda Metropolitano”.

Takimi i parë ka përfunduar në barazim 1-1 por sa i përket kualifikimit çdo gjë mbetet e hapur. Me formacionin më të mirë të mundshëm do të luajnë të dyja skuadrat. Simeone do të bazohet tek dyshja Diego Costa-Griezmann në sulm për të arritur finalen dhe sqaron:

Na duhet një stadium që të shpërthejë dhe t’u paraqesë pasion lojtarëve. Kemi përpara një kundërshtar të rrezikshëm por do të jetë një duel i bukur dhe ne duam finalen.

LEXO EDHE:
GOLAT/ Arsenal kap kreun e Premier League, M.City pret biletën e finales në FA Cup! Bayern 'shkatërron' Union Berlinin

Trajneri i Atletico Madrid, Diego Simeone

Në kampin e londinezëve duan këtë trofe për t”u përshëndetur me trajnerin Arsen Wenger. Edhe vetë francezi deklaron se do i pëlqente shumë ta mbyllte duke fituar Europa League ndërsa për duelin e sotëm nënvizon:

Duhet të kemi kujdes nga Diego Costa ndërsa Simeone është tashmë një trajner me eksperiencë.

Trajneri i Arsenal, Arsen Wenger

Finalistja tjetër do të dalë nga përballja Salzburg-Marsejë ku francezët e kanë fituar ndeshjen e parë 2-0 dhe janë favoritë për të kapur finalen e Lionit. Atletico Madrid-Arsenal dhe Salzburg-Marsejë luhen duke nisur nga ora 21:05.

TAG:
• europa league
• arsenal
• atletico madrid
• arsen wenger
• Wanda Metropolitano
• Diego Simeone

Sondazhi i ditës:

Sa i përhapur është korrupsioni në Shqipëri?

• Shumë

  84.3%

• Pak

  9.3%

• Nuk e di

  6.5%

Vota total: 2378

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di