Të arrestuarit në Nikël, Erzen Breçani: Dikur vidhnin makina, sot grup i strukturuar kriminal

Ish-drejtuesi i lartë në Policinë e Shtetit, Erzen Breçani, tha në "Repolitix" në Report Tv se të arrestuarit e operacionit të sotëm në Nikël të Fushë Krujës kanë arritur vitet e fundit të krijojnë grup të strukturuar kriminal. Ai tha se kur ishte drejtues në polici, ky grup mbahej në monitorim nga policia pasi ishin të identifikuar për vjedhjen e automjeteve. Sipas tij, vitet e fundit ky grup përmes veprimtarive kriminale ka arritur të sofistikohet dhe të krijojë grup të strukturuar.

Është e patolerueshme që një grup kriminal të lëvizë me automjete të blinduara. Është drejtori i policisë ai që i pajis dhe është ndaluar që personat kontigjent të pajisen me automjete të blinduara pasi mund t'i përdorin për ngjarje. Është e patolerueshme që kjo zonë të rrijë jashtë kontrollit të policisë. Kanë kryer vepra kriminale dhe vitet e fundit janë strukturuar si grup kriminal, kanë rritur vlerat monetare. Nuk i kryejnë më si më parë veprat penale, por tashmë i bëjnë në mënyrë të sofistikuar. Këta persona i kemi pasur të identifikuar si persona kontigjent kriminal për vjedhjen e automjeteve dhe mbaheshin të mbikëqyrur. 

Erzen Breçani, ish-drejtues në Policinë e Shtetit

Breçani vlerësoi nga ana tjetër se operacioni i ndërmarrë nga policia ishte i mirëorganizuar. 

LEXO EDHE:
Sondazhi për prillin në Report Tv/ Votë e detyruar? 64.7% kundër! Pakt për të goditur SPAK? Qytetarët të ndarë

Operacioni ka qenë i mirëorganizuar realisht me forcat RENEA dhe FNSH. Janë sekuestruar dy armë pistoletë me sa jam në dijeni dhe një armë sportive.

Erzen Breçani, ish-drejtues në polici

TAG:
• Erzen Breçani
• repolitix

Sondazhi i ditës:

A ka politika frikë nga SPAK-u?

• Po

  69.1%

• Jo

  26.3%

• Nuk e di

  4.6%

Vota total: 1981

• Sondazhi i ditës:

  A ka politika frikë nga SPAK-u?

  Po Jo Nuk e di