Të gatuajmë me Zonjën Vjollca/ Ëmbëlsirë krokante me kungull dimri dhe fërgesë me domate të thata e vezë

Receta e parë: Ëmbëlsirë krokante me kungull dimri

Përbërësit:

Brumi:

300 gr miell

150 gr sheqer

½  lugë çaji kripë

½ lugë çaji pluhur pjekës

200 gr gjalp i grirë

1 lugë çaji vanilje

1 lugë çaji uthull

2 të verdha veze

Mbushja:

550 gr kungull i verdhë

40 gr sheqer

1 lugë çaji lëkurë portokalli

3 lugë gjelle lëng portokalli

Përgatitja:

Në një tas vendosim miellin e situr . Shtojmë në të pak kripë, sheqer, pluhurin pjekës dhe i përziejmë të gjithë përbërësit.

Grijmë në rende gjalpin e ngrirë dhe e përziejmë me miell. Pas përzierjes shohim që brumi fillon të thërrmohet. Shtojmë 1 lugë kafe uthull, 1 lugë kafe ekstrakt vanilje, 2 të verdha veze dhe i përziejmë lehtë për 10 minuta. Shohim që mielli e ka përthithur gjalpin në momentin që pot a mbledhim grushin me miell ai të mblidhet.

Lyejmë një tavë të vogël me gjalp dhe shtojmë në tepsi gjysmën e miellit të trazuar me gjalp. Shtrojmë në tepsi dhe e nivelojmë me shpinën e një luge.

Grjmë kungullin ën rende nga pjesa më e imët. Shtojmë në brumin e kungullit 1 lgë çaji lëkurë limoni, sheqerin kaf  dhe lëngun e portokallit. Masën e brumit e hapim mbishtresën e brumit që hapëm në tavë. E nivelojmë mirë kungullin dhe në fund pjesën e brumit që teproi e shpërndajmë mbi kungull dhe e vendosim tartën në furrë në temperaturën 180ºC për 30-40 minuta.

Receta e dytë: Fërgesë me domate të thata e vezë

Përbërësit:

1 kokërr qepë

3 thelpinj hudhër

150 gr domate të thata

4 kokrra vezë

1 lugë kafe miell

4 lugë gjelle vaj ulliri

Majdanoz

Kripë dhe piper i zi

Përgatitja:

Fillimisht presim domatet në fije dhe i vendosim ato në ujë për 20 minuta. Vendosim në zjarr një tigan me vaj ulliri. Shtojmë në të qepën e grirë  në fije , e kaurdisim deri sa të zverdhet pak dhe shtojmë hudhrat e prera imët.

Më pas shtojmë domatet e thata të prera në fije dhe të zbutura për 20-30 minuta në ujë të vakët. I kaurdisim për 5 min dhe shtojmë ujin deri sa të mbulohen dimatet. Shtojmë gjithashtu kripë dhe 1 majë luge sheqer.

Në një tas rrahim 4 kokrra vezë me 1 lugë kafe miell dhe i shtojmë tek vezët. E trazojmë mirë dhe ndrkohë shtojmë edhe 1 lugë gjelle majdanoz të grirë hollë.

Shtojmë vezën tek fërgesa me domate, e lëmë atë të mpikset dhe e shërbejmë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ministria e Jashtme dorëzon në GJND deklaratën mbi ndryshimet klimatike

Ministria e Jashtme dorëzon në GJND deklaratën mbi ndryshimet klimatike