POP 5

Lajmet më të lexuara të 5 minutave të fundit

Të gatuajmë me Zonjën Vjollca/ Qofte furre me patate dhe Supë me domate

Përbërësit

500 gr mish i grirë

1 qepë e vogël e skuqur

1 vezë

800 gr patate

200 gr domate

100 gr djath pice

1 lugë gjelle peksimadhe

Pak vaj

1 lugë kafe piper i kuq

Majdanoz

1 thelp hudhër

Pak rigon

Kripë dhe piper i zi

Për kremin

250 gr krem kosi

150 gr pana

1 thelp hudhër

50 gr djath pice

3 qepë të njoma

Kripë dhe piper i zi

Përgatitja

Qërojmë patatet dhe i presim në feta të holla . Fillimisht skuqim qepën që të zverdhet. Në tasin me mish të grirë shtojmë qepën e skuqur , vezën, kripën , piperin e kuq , piperin e zi, majdanozin, rigonin, 1 lugë gjelle peksimadhe. Të gjithë këto përbërës i përziejmë mirë dhe lëmë brumin e qofteve të pushojë për 20 minuta.

Formojnë qoftet sa një arrë të madhe. Lyejmë një tepsi me yndyrën që dëshironi. Vendosim patatet si vendosja e tjegullave . Mbi të vëmë qoftet duke krijuar hapësira bosh. Në hapësirat bosh mund të vendosim gjysëm domate ( nëse dëshironi )

Në një tas trazojmë kremin e kosit , panan, 1 thelp hudhër të shtypur 50 gr djath pice , kripë dhe piper të zi. I përziejmë mirë dhe i shpërndajmë mbi qofte dhe patate.

Vendosim tavën në furrë në temperaturën 200 gradë për 35 minuta. Pas 25 minutave e nxjerrim tavën dhe shtojmë në të djathin e picës dhe e lëmë sërish për 10 minuta në furë deri sa djathi të shkrijë e të zverdhet.

Receta e dytë : Supë me domate

800 gr domate

1 kokërr qepë e kuqe + kripë

50 ml verë e bardhë

500 ml lëng perime

30 gr oriz

2 lugë gjelle krem kosi

1 lugë çaji sheqer

1 thelp hudhër e shtypër

Borzilok

Kripë + piper i zi

Vaj ulliri

Përgatitja

Në një tenxhere të thellë ngrohim vajin dhe kaurdisim qepën e grirë hollë me pak kripë. Kur qepa të jetë bërë transparente ( e butë ), e shuajmë me verë të bardhë . E lëmë të avullojë alkooli dhe shtojmë domatet ( nëse janë të freskëta i hapim lëkurën). Shtojmë 4-5 gjethe borzilok të copëtuar , 1 thelp hudhër të shtypur, lëngun e perimeve ose ujë, 2 lugë gjellë oriz, kripë e piper të zi dhe e lëmë të ziejë për 12 – 15 minuta. E kalojmë supën ne blender dhe e kthejmë atë në krem. Në fund shtojmë 2 lugë gjelle krem kosi , e lëmë të marrë një valë dhe e shërbejmë.

Ju bëftë mirë !

 

a.ko./an.el.
Komento