Tentoi të kalonte kufirin, kapet në Kakavijë i dënuari për vrasje

Gjatë patrullimit në kufirin e gjelbër, policia kufitare e Kakavijës ka kapur dhe ndaluar një person të dënuar me 10 vjet burg për "Vrasje me dashje".

47 vjeçari i identifikuar Ëngjëllush Agallija, banues në Fier ka tentuar të kalojë në mënyrë të jashtëligjshme kufirin.

I arrestuari ishte shpallur person në kërkim pasi Gjykata e Apelit Vlorë pas dënimit me me 10 vjet burg për veprat penale "Vrasje me dashje", dhe "Rrethana rënduese".

LEXO EDHE:
Vrau kunatin pasi i përdhunoi të bijën, babai shqiptar kërkon të lirohet nga burgu

Njoftimi i policisë:

Patrulla e Policisë Kufitare të Kakavijes gjatë patrullimit në kufirin e gjelbër kap dhe ndalon një person të dënuar me 10 vjet burg për "Vrasje me dashje".

Nga punonjësit e Policisë Kufitare Kakavije, gjatë patrullimit në kufirin e gjelbër është konstatuar një shtetas në tentativë për kalim kufiri në mënyrë të jashtëligjshme, duke iu shmangur kontrollit policor. Nga ana e patrullës së Policisë Kufitare në kufirin e gjelbër u bë e mundur kapja dhe ndalimi i shtetasit:

Ëngjëllush Agallija, 47 vjeç, banues në Fier. Gjatë kryerjes së verifikimeve përkatëse rezultoi se ky shtetas ishte person në kërkim pasi Gjykata e Apelit Vlorë, me numër vendimi 60, datë 30.09.2015, e ka dënuar me 10 vjet burg për veprat penale "Vrasja me dashje", dhe "Rrethanat rënduese", parashikuar nga nenet 76 a) dhe 50 c) të Kodit Penal.

TAG:
• vrasje
• kufi

Sondazhi i ditës:

A ka politika frikë nga SPAK-u?

• Po

  68.5%

• Jo

  26.9%

• Nuk e di

  4.6%

Vota total: 2150

• Sondazhi i ditës:

  A ka politika frikë nga SPAK-u?

  Po Jo Nuk e di