Thaçi takohet në New York me Erdogan, asnjë fjalë për ndryshimin e kufijve të Kosovës

Presidenti i Republikës së Kosovës, Hashim Thaçi, gjatë qëndrimit në New York është takuar me presidentin e Turqisë, Recep Tayyip Erdogan, të cilin e ka njoftuar për zhvillimet e dialogut ndërmjet Kosovës dhe Serbisë.

Në komunikatën e shpërndarë nga presidenca thuhet se Erdogan ka dhënë përkrahjen për vazhdimin e dialogut dhe arritjen e një marrëveshjeje ndërmjet dy vendeve, ndërkohë që nuk thuhet asnjë fjalë për çështjen aq shumë të debatuar të ndryshimit të kufijve.

“Thaçi e ka informuar presidentin turk lidhur me fazën e fundit të dialogut për normalizimin e marrëdhënieve ndërmjet Kosovës dhe Serbisë, dhe për domosdoshmërinë e arritjes të një marrëveshje përfundimtare dhe ligjërisht të obligueshme .Me këtë rast, presidenti turk ka thënë se mbështet arritjen e një marrëveshje ndërmjet dy vendeve”

LEXO EDHE:
Hasani takon Thaçin: Shqipëria do të këmbëngulë për proces gjyqësor të hapur e transparent

Zyra e shtypit e Presidencës

Ndër të tjera në këtë takim është diskutuar edhe për ndihmën që Turqia do t’ia japë Kosovës për integrim në Interpol dhe organizata të tjera ndërkombëtare.

“Presidenti Thaçi ka falënderuar presidentin turk, Erdoğan për mbështetjen që Turqia i ka dhënë Kosovës në procesin e shtimit të njohjeve dhe anëtarësimin në organizata ndërkombëtare. Ai ka marrë mbështetjen e presidentit turk, Erdoğan për procesin e anëtarësimit të Kosovës në INTERPOL, duke kontribuar kështu në rritjen e sigurisë globale. Nga ana tjetër, presidenti i Turqisë, Recep Tayyip Erdoğan ka thënë se ai do të angazhohet personalisht në shtimin e numrit të njohjeve për Kosovën dhe në procesin e anëtarësimit në organizata ndërkombëtare” 

Zyra e shtypit e Presidencës

Edhe në takimet e djeshme që Thaçi ka zhvilluar me Wes Mitchell dhe presidentin e Komisionit Evropian, Donald Tusk, nuk e ka zënë në gojë idenë e ndryshimit të kufijve.

TAG:
• hashim thaci
• erdogan

Sondazhi i ditës:

A ka politika frikë nga SPAK-u?

• Po

  68.4%

• Jo

  26.9%

• Nuk e di

  4.7%

Vota total: 2612

• Sondazhi i ditës:

  A ka politika frikë nga SPAK-u?

  Po Jo Nuk e di