“Thjesht e dua dhe kaq”, Arilena Ara kujton të atin me lot në sy: Kam një boshllëk shumë të madh

Arilena Ara është një nga këngëtaret shqiptare më të suksesshme. Pavarësisht se është e vogël në skenë, ajo ka korrur një sukses të jashtëzakonshëm me hitin “Nëntori”. E ftuar në “Xing me Ermalin”, Arilena foli për mungesën e madhe që ka ndjerë pas humbjes së babait.

Ajo u përlot sapo përmendi fjalën ‘baba’ dhe tha:  “Nuk kam folur kurrë por dua ta them sepse për mua është aq sa e shenjtë, aq edhe dua ta dijë gjithë bota. Unë kam patur një baba të jashtëzakonshëm.”

Arilena vijoi më tej duke thënë se i ati i ndjerë është arsyeja që ka vazhduar muzikën. “Nuk kam folur jo pa qëllim, sepse e di që do prekesha. Që kur e kam humbur babin, kur dëgjoj fjalën ‘Baba’, më tingëllon çuditshëm. Jam e lumtur për njerëzit që e kanë babain e tyre sepse është fat i madh të thuash baba. Por sot dua t’ja them botës që babai ka qenë mbështetja ime më e madhe. E kam vazhduar muzikën vetëm prej tij. Ai donte të isha këtu ku jam dhe shpresoj të jetë krenar për mua,”- tregoi këngëtarja.

Më pas në ekran u shfaqën momentet kur ylli shqiptar ndodhej në skenën “Gjeniu i vogël” dhe tregonte se sa shumë e donte të atin. “Thjesht e dua dhe kaq,”- thoshte Arilena e vogël.

“Unë kam patur një boshllëk shumë të madh dhe më vjen shumë keq që mbase nuk kam arritur asnjëherë që këtë boshllëk ta kthej në dashurinë që kam për mamin tim. Unë uroj që të kem shumë kohë dhe t’i jap gjithë dashurinë që kam për babin tim,”- përfundoi këngëtarja Arilena Ara.

 

Lajmi kryesor:

“Më doli gjuha mbrapa”, Arilena Ara flet për skenat intime: Ai erdhi direkt për puthje

TAG:
• arilena ara