Tiranë/ Arrestohet polici dhe avokati, punonin si “sekserë”/ 2 mijë € për të ndikuar tek gjyqtarët e prokurorët (Emrat)

Tiranë- Një polic dhe 1 avokat janë arrestuar nga SHÇBA-ja, pasi dyshohet se ushtronin ndikim të paligjshëm te gjyqtarë dhe prokurorë duke marrë para.

Haki Dyli, polic në Gjykatën e Tiranës, dhe Devis Qana, avokat, janë arrestuar pasi disa muajsh hetime.

Njoftimi i plotë:

LEXO EDHE:
Ambasadori britanik: Shqipëria të marrë hapa më të mëdha për të luftuar korrupsionin, vazhdon të depërtojë sektorët publikë

SHÇBA ndalon 1 punonjës policie dhe 1 avokat, për ushtrim të ndikimit të paligjshëm te gjyqtarë e prokurorë në këmbim të shpërblimeve monetare

Shërbimi për Çështjet e Brendshme dhe Ankesat (SHÇBA) në Ministrinë e Brendshme ka ekzekutuar 2 urdhër ndalimet e Prokurorisë së Rrethit Gjyqësor Durrës, për:
- Inspektor Haki Dyli, 60 vjeç, punonjës policie me detyre trupë shërbimi në Sigurinë e godinës së Gjykatës Durrës; 
- Devis Qana, 40 vjeç, Avokat, pranë Dhomës së Avokatisë Tiranë. 

Ndalimi i tyre u bë në kuadër të një procedimi penal nisur disa muaj më parë, për veprën penale "Ushtrim i ndikimit të paligjshëm, ndaj personave që ushtrojnë funksione publike". 

Pas një hetimi me metoda speciale u dokumentua me prova ligjore veprimtaria e kundraligjshme. Të dy këta shtetas, dyshohet se në bashkëpunim me njëri-tjetrin, u premtonin palëve në proces hetimi dhe gjykimi favorizim përmes ndikimit me forma anti-ligjore. Në këmbim të ushtrimit të ndikimit të paligjshëm te gjyqtarë e prokurorë, ata kërkonin shpërblime monetare që varionin deri në 2.000 euro.

TAG:
• korrupsion
• seksere
• devis qana
• haki dyli

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.1%

• Të gabuar

  84.1%

• Nuk e di

  4.8%

Vota total: 4698

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di