Pamje të frikshme vijnë nga Spanja aty ku një natë më parë qytetarët e mbledhur për një koncert kanë përjetuar minuta tmerri. Mediat e huaja raportojnë se si pasojë e shembjes së një skene të drunjtë të ngritur për skenën e festivalit janë plagosur më shumë se 260 persona, 5 prej të cilëve në gjendje kritike.
Platforma ishte ngritur buzë detit, ndërsa ishin të shumtë ata që po ndiqnin një koncert të muzikës “rap”, O Marisquino, në qytetin veriperëndimor të Vigos, në rajonin Galicia. Sipas policisë, deri më tani nuk konfirmohet asnjë i vdekur.
Dëshmitarë nga vendngjarja treguan momentet e panikut që kapluan të pranishmit, shumë prej të cilëve adoleshentë. Disa prej tyre ranë në det.