POP 5

Lajmet më të lexuara të 5 minutave të fundit

Tre shqiptarë u dënuan me 55 ditë burg për shkrimin 'UÇK', MPJ: Regjimi në Serbi ngjall frikë

Ministria e Punëve të Jashtme në Kosovë

Ministria e Punëve të Jashtme në Kosovë dënon me forcë dënimin e tre të rinjve shqiptarë me 55 ditë burg për shkak të bërjes së tre inicialeve të Ushtrisë Çlirimtare të Kosovës (UÇK) mbi disa vetura të mbuluara nga dëbora në Beograd.

Ajo vlerëson se në një shoqëri demokratike dhe shtet, që aspiron anëtarësimin në BE, askush nuk mund të dënohet për shkak të shprehjes së mendimit apo të prezantimit të një bindjeje ndryshe.

Ministria e Punëve të Jashtme e ka cilësuar regjimin në Serbi si jo-demokratik dhe jo-liberal, që ngjall frikë dhe ndjell urrejtje ndaj çdo gjëje që është shqiptare dhe buron nga Kosova.

Duke e konsideruar si një veprim të papranueshëm pas 20 vitesh luftë e krimesh sistematike ndaj shqiptarëve të Kosovës, Ministria e Punëve të Jashtme i bën thirrje institucioneve ndërkombëtare dhe mekanizmave të mbrojtjes së të Drejtave të Njeriut që të reagojnë menjëherë ndaj dënimit e sjelljes anti-evropiane.

a.s.
Komento