Presidenti i Shteteve te Bashkuara të Amerikës, Donald Trump ka nënshkruar së fundi një deklaratë, e cila në mënyrë efektive ua kufizon dhënien e së drejtës për azil migrantëve që kalojnë kufirin amerikan me Meksikën në mënyrë të paligjshme.
Sipas mediave amerikane, mësohet se presidenti amerikan e ka nënshkruar këtë urdhër të premten për të kufizuar përshtatshmërinë e emigrantëve për azil në Shtetet e Bashkuara.
Mësohet se rend i ri i rregullit për emigrantët, pritet te hyjë në fuqi të shtunën dhe parashikon që emigrantët që hyjnë në kufirin jugor të SHBA, të kenë të drejtën e azilit vetëm nëse do të vijnë në portet zyrtare të hyrjes.
Adminitrata Trump njoftoi rregullat e reja të enjten, me qëllim pengimin e migranëtve që kalojnë ilegalisht kufirin jugor të Shteteve të Bashkuara të Amerikës.
“Ajo që ne po përpiqemi të bëjmë është të përpiqemi të kanalizojmë pretendimet e azilit përmes porteve të hyrjes, ku kemi burime më të mira, kemi aftësi më të mira dhe fuqi punëtore më të mirë”, tha një zyrtar i administratës Trump, para gazetarëve.
Ndërkohë, mbrojtësit e të drejtave të emigrantëve kanë kundërshtuar rregulloren e re, e cila sipas tyre u ndalon në mënyrë të padrejtë te drejtën individëvë që duan të kërkojnë azil në SHBA, duke i bërë ata të papërshtashëm,nëse e kalojnë ilegalisht kufirin jugor.
"Ne kemi nevojë për njerëz në vendin tonë, por ata duhet të vijnë në mënyrë të ligjshme dhe të kenë merita", tha Trump gazetarëve të premten, përcjell Reuters.
Plani është masa më e fundit e administratës Trump për të kufizuar përshtatshmërinë e emigrantëve për azil në Shtetet e Bashkuara.
Rregullorja e re pritet të prekë emigrantët nga Amerika Qëndrore, që po përpiqen të kalojnë kufirin e SHBA me Meksikën, për të ikur nga dhuna dhe varfëria në vendet e tyre.
Lajme të tjera
-
Skandal bastesh në NBA, basketbollisti përjashtohet përjetë
18 Prill, 19:30 -
Dhoma e Përfaqësuesve voton këtë javë për ndihmën për Ukrainën dhe Izraelin
18 Prill, 09:33 -
Sondazhi i Gallup: Vazhdon të bjerë besimi tek institucionet amerikane
17 Prill, 16:27 -
Meta sulmon sërish Dumanin: Më ke çuar njerëz që të iki nga Shqipëria! SHBA të ka thënë më fut në burg, nga qelia do e shkrij atë celulë kriminale
17 Prill, 11:13 -
SHBA, BE dhe Britania dënojnë sulmet e Metës ndaj kreut të SPAK: Krah drejtësisë, mbështesim ata që do t’i japin fund pandëshkueshmërisë
17 Prill, 08:43 -
Sulmi ndaj Izraelit, SHBA dhe BE gati sanksionet e reja ndaj Iranit! Blinken bisedë me kryeministrin e Katarit: Duhet shmangur përshkallëzimi
17 Prill, 08:04 -
SHBA/ Kongresi dërgon në Senat akuzat për shkarkimin e Sekretarit të Sigurisë Kombëtare, detyrojnë zhvillimin e një gjyqi
17 Prill, 07:31 -
Komisioni i Senatit miraton kandidaturën e ambasadorit të ri amerikan në Shqipëri, David J. Kostelancik
16 Prill, 20:52 -
Gjykata e Lartë shqyrton vlefshmërinë e një prej akuzave të 6 janarit
16 Prill, 18:18 -
NASA: Objekti që goditi një shtëpi në Florida erdhi nga Stacioni Hapësinor
16 Prill, 11:16 -
Pse disa vende arabe po e ndihmojnë Izraelin kundër Iranit?
16 Prill, 08:53 -
Donald Trump në gjyqin e parë penal ndaj një ish Presidenti në SHBA
16 Prill, 08:27
