POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Bullgur me patëllxhanë dhe Tavë me karkaleca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Receta e parë: Bullgur me patëllxhanë

Përbërësit

1 gotë bullgur

1 lugë gjelle vaj ulliri

1 kokërr qepë

1 patëllxhan

¼ spec i kuq

Borzilok i freskët

1 lugë çaji gjalp

Kripë

Pak sheqer

2 gota ujë i zier

Përgatitja:

Lajmë dhe presim patëllxhanin në kubikë me brinjë 1 cm. i spërkatim me pak kripë dhe i vendosim kubikët në ujë me kripë për 15 minuta.  I thajmë dhe i skuqim me pak vaj. I largojmë nga tigani dhe i lëmë mënjanë.

Në tenxhere vendosim vajin e ullirit e gjalpin. Pasi të ketë shkrirë gjalpi vendosim qepën e specin dhe i kaurdisim mirë. Shtojmë bullgurin e trashë , kripë, patëllxhanët e skuqur , pak sheqer, borzilok dhe 2 gota ujë të valuar. Pasi të vendosim kapakun, e lëmë të ziejë për 15 minuta. Pasi bullguri të ketë zier e lëmë për 20 minuta të pushojë dhe më pas e servirim.

Receta e dytë: Tavë me karkaleca

Përbërësit:

400 gr karkaleca

2 thelpinj hudhër

250 gr kërpudha

2 speca jeshil

2 domate mesatare

1 lugë gjelle gjalp

1 lugë gjelle vaj ulliri

Kripë dhe piper i zi

Trumzë + dafinë

2 lugë gjelle majdanoz i grirë hollë

40 gr djath që shkrin

Përgatitja:

Në një tigan vendosim gjalp dhe vaj dhe kalojmë në to karkalacat për 3 minuta deri në momentin që lëshojnë ngjyrë. Në po atë yndyrë shtojmë hudhrat e kërpudhat. Sapo ato të ulin volumin, shtojmë specat e prerë në ngjyra, kripë e piper të zi, domatet, gjethe dafine e trumzë. E lëmë për 5 minuta duke shtuar dhe karkalecat, majdanozin e grirë hollë. E shtrojmë në tavë, e spërkatim sipër me djath që shkrin dhe e vendosim në furrë në temperaturën 180ºC për 10 minuta deri sa djathi të shkrijë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54