X

POP 5

Lajmet më të lexuara të 5 minutave të fundit

Receta

Të gatuajmë me zonjën Vjollca/ Lakror i çobanit dhe Çorbë me thjerrëza

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Receta e parë: Lakror i çobanit

Përbërësit:

500 gr mish i grirë

2 qepë mesatare

Vaj, kripë, piper i zi

Majdanoz

Pureja e patates:

1-1,2 kg patate

1 filxhan çaji qumësht

3 lugë gjelle gjalp

4 të verdha veze

1 thelb hudhër

Kripë, piper i zi, arrë moskat

2 lugë gjelle kaçkavall

1 lugë gjelle galetë

Përgatitja:

Fillimisht ziejmë patatet. Vendosim tiganin me 2-3 lugë gjelle vaj, kaurdisim qepën dhe mishin e grirë deri sa të marrin pak ngjyrë. Shtojmë purenë e domates ose 1 lugë gjelle salcë koncentrat, kripë e piper të zi dhe 1 gotë ujë e më pas e lëmë qepën dhe mishin të ziejë deri sa të shterojë uji dhe të mbetet shumë pak lëng.

Përgatisim purenë e patateve .Pasi patatet i kthejmë në pure shtojmë në to qumështin, gjalpin, hudhrën dhe  të vredhat evezëve . Shtojmë gjithashtu kripë, piper të zi, arrë moskat dhe e ndajmë purenë në dy pjesë.

Lyejmë tavën me yndyrë, e pudrsoim me pak galetë dhe e shtrojmë në tavë duke e niveluar mirë gjysmën e puresë me patate.

Sipër saj vendosim kimën me mish duke e niveluar mirë mbi të gjithë sipërfaqen e puresë. Mbulojmë kimën me purenë që na teproi duke e niveluar mirë. Në fund e spërkatim me pak gjalpë dhe e pudrosim me kaçkavall të fortë të stazhionuar. E vendosim në furrë në temperaturën 200ºC për 25-30 minuta.

Receta e dytë: Çorbë me thjerrëza

Përbërësit:

1 gotë thjerrëza jeshile

2 qepë mesatare

1 filxhan kafe pure domate

1 karrotë

1 filxhan kafe makarona (elb)

1 lugë kafe nenexhik

Vaj ulliri

Kripë dhe piper i zi

Përgatitja:

Fillimisht shpëlajmë thjerrëzat dhe i vendosim në ujë për të zier në temperaturë mesatare për 20 minuta, ose mund ti vendosim në ujë që në darkë.

Në një tenxhere nxehim 2-4 lugë gjelle vaj ulliri dhe kaurdisim qepët  e prera hollë në kubikë të vegjël. Shtojmë në të 1 filxhan pure domate ose 1 lugë gjelle salcë koncetrat. E kaurdisim salcën me qepën për 1 minutë dhe më pas shtojmë karrotën e prërë në kubikë ose shkëmbinj me gjatësi 2 cm. shtojmë 1 filxhan akfe makarona në formë elbi, 1 lugë kafe nenexhik të thatë dhe 1,2 litër ujë të nxehtë. Kullojmë thjerrëzat dhe i shtojmë në tenxheren me qepë . Shtojmë  kripë e piper të zi dhe e lëmë të ziejnë dhe për 10 minuta të tjera. Më pas e servirim të ngrohtë me bukë të thekur.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Pezullimi shefit të qarkullimit në Lezhë, djali i Tom Doshit përplasi me makinë gruan e një biznesmeni

Pezullimi shefit të qarkullimit në Lezhë, djali i Tom Doshit përplasi me makinë gruan e një biznesmeni

23 Prill, 15:55