POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca: Musaka me thjerrëza e perime dhe Sallatë me panxhar e mollë

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Receta e parë: Musaka me thjerrëza dhe perime

Përbërësit:

1 gotë thjerrëza ( të ziera)

3 patate të mëdha( gjysmë të ziera)

1 spec i kuq

2 kokrra qepë

2 thelpinj hudhër

2 domate

3 patëllxhanë

3 kokrra vezë

150 ml pana

80 gr djath i bardhë

5 lugë gjelle vaj ulliri

Kripë dhe piper i zi

Trumëz

Përgatitja:

Vendosim thjerrëzat në ujë për 8 orë. Më pas i shpëlajmë dhe i vendosim për të zier për 15-20 minuta. Lajmë patëllxhanët, i fshijmë dhe i presim në rrathë 0,5 cm. Vendosim një tigan me pak yndyrë dhe i skuqim lehtë patëllxhanët. Specin e kuq e presim në kubikë të vegjël. Vendosim një tigan me vaj, kaurdisim qepën e prerë në kubikë të vegjël. Shtojmë specin e kuq dhe i kaurdisim së bashku sat ë zbuten mirë.

Ndërkohë rrahim vezët me kripë, piper e kremin pana. Shtojmë domatet në kubikë (pa fara dhe lëng), i trazojmë mirë dhe e lëmë domaten të ziejë pak. Shtojmë thjerrëzat dhe erzat dhe i lëmë të ziejnë së bashku për 5 minuta.

Fillojmë të shtrojmë tavën.

Qërojmë patatet dhe i presim ato në feta. Mbulojmë komplet tavën me patate. Shtrojmë shtresën e dytë me thjerrëzat e përgatitura duke shtuar disa shtresa të holla fare salce që e përgatitëm vetë.

Mbulojmë tavën me patëllxhanët e skuqur duke i vendosur ato si tjegullat. Shpërndajmë pak djath të thërrmuar. Në fund shpërndajmë duke e mbuluar me salcën që përgatitëm.

Receta e dytë: Sallatë me panxhar dhe mollë

Përbërësit:

2 -3 panxharë të zier

1-2 mollë jeshile

1 qepë e kuqe

1 thelb hudhër

1 lugë gjelle uthull

Kripë dhe piper i zi

4-5 lugë gjelle vaj ulliri

1 lugë kafe mustardë

Një majë luge mjalt

50 gr bajame   

Përgatitja:         

Lajmë dhe i vendosim panxharët në një tenxhere me ujë dhe i lëmë të ziejnë për 40 minuta. I kalojmë në ujë të ftohtë dh i qërojmë panxharët. Më pas i presim në kubikë mesatarë me brinjë 2 cm. i vendosim në një tas. Qërojmë mollët dhe i presim në kubikë 2 cm. i bashkojmë në një tas me panxharët.

Në një tas vendosim shumë pak hudhër, 1 lugë e gjysëm uthull, vaj ulliri, kripë, piper, mustardë, dhe pak mjalt. Marinojmë panxharin dhe mollët dhe në fund e shërbejmë duke e zbukuruar me bajame.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Mero Baze: Ilir Meta ka gjetur mekanizmin se si të mos ja marrin më kurrë partinë

Mero Baze: Ilir Meta ka gjetur mekanizmin se si të mos ja marrin më kurrë partinë

19 Prill, 21:07 nga Mero Baze