Të gatuajmë me Zonjën Vjollca/ Sardele me domate e majdanoz në furrë dhe Supë peshku me perime

Receta e parë: Sardele me domate dhe  majdanoz në furrë

Përbërësit:

1 kg sardele

1 kokërr qepë

3 domate

4-5 thelpinj hudhër

4 lugë gjelle vaj ulliri

Kripë dhe piper i zi

½ gote verë

2 limona

2 tufa majdanoz

1 e ½ lugë gjelle peksimadhe

Përgatitja:

Parangrohim furrën në temperaturën 200ºC. sardelet të lara dhe të pastruara i hapim si dy faqe libri, i largojmë kokën, bishtin dhe shtyllën kurrizore. Qepën e kemi prerë në kubikë të vegjël. Domatet i kemi qëruar nga lëkura dhe farat, kurse tulin e presim në kubikë të vegjël.  Hudhrat i grijmë imët. Në një tas mesatar vendosim qepën në kubikë, domatet në kubikë , hudhrat e grira imët dhe 4 lugë gjelle vaj ulliri. Presim majdanozin imët dhe i shtojmë në tasin me perime. Shtojmë gjithashtu edhe kripë e piper të zi. Lyejmë një tavë me vaj ulliri, e spërkatim tavën me peksimadhe . Trazojmë perimet që kemi në tas dhe 2-3 lugë gjelle perime të grira. I përhapim nëpër tavë me qëllim që të mos thahet. Fillojmë të vendosim sardelet e hapura si faqe libri me kurrizin nga poshtë dhe të hapura nga lart. Shpërndajmë mbi peshk perimet e prera në kubikë. Mbulojmë përsëri perimet me sardele të tjera, por rreshti i dytë i sardeleve do të jetë pjesa e hapur poshtë dhe kurrizi nga lart. Shpërndajmë perimet që tepruan në pjesën anësore të peshkut. Spërkatim peshqit nga sipër me pak kripë. Përhapim verën mbi peshk dhe spërkatim me pak vaj e peksimadhe. Vendosim mbi peshk disa feta limoni dhe pak lëng limoni. Vendosim tavën me sardelet në furrë në temperaturën 200ºC për 30-35 minuta.

 Receta e dytë: Supë peshku me perime

Përbërësit:

500 gr peshk

1 kokërr qepë

2 thelpinj hudhër

1 patate e madhe

2 karrota mesatare

100 gr selino

100 ml verë e bardhë

2 domate

2 lugë gjelle vaj ulliri

1 lugë gjelle gjalp

1 gjethe dafine

Kripë dhe piper i zi

1 limon

Majdanoz

Përgatitja:

Fillimisht lajmë mirë peshkun, e presim në copa dhe e vendosim në tenxhere duke shtuar në të 1,2 litër ujë, disa kokrra piper të zi, pak lëng limoni , pak kripë dhe 100 ml verë të bardhë. E lëmë peshkun të ziejë deri sa tuli të shkëputet nga halat.

Në një tenxhere tjetër, shkrijmë 1 lugë gjelle gjalp, shtojmë 2 lugë gjelle vaj ulliri dhe kaurdisim qepën e grirë shumë imët. Më pas shtojmë karrotat dhe rrënjën e selinosë të prerë në kubikë të vegjël. I kaurdisim së bashku për 2 minuta duke shtuar më pas hudhrat dhe domatet (pa lëkurë) të prera edhe ato në kubikë të vegjël.

Kullojmë lëngun e peshkut në sitë duke e shtuar në tenxheren me perime. Shtojmë në tenxhere patatet e prera në kubikë të vegjël , 1-2 gjethe dafine dhe e lëmë supën të ziejë për 15 minuta deri sa perimet të ziejnë plotësisht.

Ndërkohë ne pastrojmë tulin e peshklut nga lëkura dhe halat, e copëtojmë atë në copëza të vogla  dhe në 2 minutat e fundit e shtojmë në tenxheren e supës. Rregullojmë shijen e supës me kripë, piper të zi e majdanoz dhe e shërbejmë të ngrohtë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Në 2 muaj, bizneset dhe qytetarët morën 516 mln euro kredi, u dha 166 mln € më shumë se vjet

Në 2 muaj, bizneset dhe qytetarët morën 516 mln euro kredi, u dha 166 mln € më shumë se vjet