Të gatuajmë me Zonjën Vjollca/ Byrek trekëndësh me gjizë e kopër dhe Supë me hikërr e perime

Receta e parë: Byrek trekëndësh me gjizë dhe kopër

Përbërësit:

Brumi:

400 gr miell

200 ml ujë

1 lugë kafe kripë

1 lugë gjelle vaj

Mbushja:

500 gr gjizë

2 tufa kopër

1 vezë

2 lugë gjelle gjalp

Vaj për spërkatje

Përgatitja:

Bashkojmë në një tas miell, kripë, vaj dhe ujë të vakët. Zëmë brumin jo shumë të fortë dhe e punojmë deri sa po ta presim me thikë, të mos ngjitet në të. E mbulojmë dhe e lëmë të vijë për 15 minuta. Më pas e ndajmë në kulaçë të vegjël dhe i mbulojmë përsëri kulaçët për 10-15 minuta.

Ndërkohë koprën e kemi larë, tharë dhe e presim hollë. Në tasin me gjizë shtojmë 1 kokërr vezë , e rregullojmë shijen me kripë , gjalp të shkrirë e vaj ulliri, e më pas shtojmë koprën. E përziejmë mirë dhe e lëmë mbushjen mënjanë. Hapim kulaçkat 3 e nga 3 në një rreze 15-20 cm dhe i bashkojmë ato me njëra-tjetrën me pak vaj, më pas i hapim në një petë të vetme. Pasi petën e kemi hapur mirë, e presim atë në shirita me gjatësi 8 ose 10 cm. Shpërndajmë pak gjizë me kopër ( jo shumë trashë) në gjysmën e petës dhe palosim petën, duke filluar me cepin. E barazaojmë me petën nga e djathta në të majtë duke formuar një trekëndësh. Lyejmë një tepsi me yndyrë dhe vendosim trekëndëshat. Kështu vazhdojmë me të gjithë kulaçkat që kemi bërë. Pra i bashkojmë nga 3 petë të hapura sa një pjatë e vogël . i lyejmë me vaj, i bashkojmë dhe pasi bashkojmë i pudrosim me miell. Hapim petën , e presim, e mbushim atë dhe formojmë byreçkat trekëndësh të cilat i mbushim me ç’të dëshirojmë gjizë apo spinaq.

Receta e dytë: Supë me hikërr dhe perime

Përbërësit:

1 filxhan caji hikërr + ujë

3 qepë të njoma

200 gr mish i grirë

1 karrotë

1 patate

1 e 1/2 filxhan kafe bizele

1 kungull i njomë

1/2 filxhan kafe pure domate

600-700 ml lëng perime

Vaj ulliri

Kripë dhe piper i zi

Përgatitja:

Fillimisht shpëlajmë hikrrën dhe në një enë vendosim 2 masa ujë për 1 masë hikërr. Pra raporti i zierjes është 1 hikërr dhe 2 ujë. Vlojmë ujin dhe vendosim hikrrën për të zier në temperaturë jo shumë të lartë, pra nën mesatare. E lëmë atë të ziejë deri sa të përthithë të gjithë ujin. Në një tenxhere ngrohim vajin, shtojmë në të qepët e njoma të grira shumë hollë, i kaurdisim mirë duke shtuar në të mishin e grirë. I kaurdisim të dyja deri sa mishit ë ndryshojë ngjyrë dhe të thërrmohet.

Shtojmë në tenxhere karrotat dhe patatet e prerë në kubikë të vegjël, shtojmë edhe kungullin e prerë në kubikë , purenë e domateve, lëngun e perimeve dhe bizelet. Rregullojmë shijen me kripë dhe piper. I lëmë përbërësit të ziejnë për 15 minuta dhe në fund shtojmë hikrrën të ziejë. I lëmë së bashku për 3-5 minuta dhe supa është gati. Mund ta aromatizoni me pak majdanoz.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Lufta në Ukrainë/ Të shtëna dhe shpërthime pranë centralit Zaporizhzhia! Moska: 15 objektiva ajrore ukrainase u rrëzuan mbi Belgorod

Lufta në Ukrainë/ Të shtëna dhe shpërthime pranë centralit Zaporizhzhia! Moska: 15 objektiva ajrore ukrainase u rrëzuan mbi Belgorod