POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/Shishqebap me perime e sallam dhe Shqeto Përmeti

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Përbërësit:

400 gr sallam si qëmoti

3-4 patate mesatare

3-4 kunguj

3-4 patëllxhanë

Rozmarinë

3 lugë gjelle parmixhan

Kripë dhe piper

Përgatitja:

Lajmë perimet. Patatet i vendosim në tenxhere dhe i ziejmë për 10 minuta (jo plotësisht). I presim të gjitha perimet në feta rrumbullake, gjithashtu edhe sallamin. I alternojmë ato në një shkop shishqebapi dhe i vendosim në një tepsi të cilën më parë e kemi lyer me pak vaj.

Vendosim pak rozamrinë të freskët dhe i pudrosim perimet me parmixhan të grirë hollë. Vendosim tavën në furrë në temperaturën 200ºC për 25 minuta. Shërbejmë shishqebapin të shoqëruar me sallatë jeshile.

Receta e dytë :Shqeto Përmeti

Përbërësit:

700gr mish qingji

2lgj miell

300ml qumësht

2 kokrra vezë

1 limon

Gjalp

Kripë, Piper

Majdanoz

Përgatitja:

Pasi e presim mishin në porcione, e shpëlajmë dhe e kaurdisim pak sat ë përthithë lëngun e tij. Shtojmë ujin sa të mbulojë mishin dhe e lëmë të ziejë në temperaturë mesatare duke shtuar dhe pak kripë. Në pak gjalp kaurdisim 2 lugë gjelle miell si për beshamel, pa i dhënë ngjyrrë dhe shtojmë qumështin. Sa të fillojë të marrë valë shtojmë dhe lëng mishi dhe e lëmë të marrë përsëri pak valëdhe më pas e shtojmë në tenxhere. E lëmë të marrë valë së bashku me mishin për 5 minuta dhe e largojmë.

Rrahim 2 kokrra vezë dhe shtojmë gjysmën e limonit të shtrydhur. Pasi të ketë rënë vala në tenxhere (të jetë ftohur pak), shtojmë në tasin me vezë pak nga lëngu i mishit. E trazojmë e më pas e shtojmë gradualisht në tenxhere. Shkrijmë pak gjalp, e përvëlojmë shqeton , e spërkatim me pak majdanoz të grirë hollë dhe e shërbejmë duke i shtuar pak piper të zi nga mulliri.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

18 Prill, 23:13