U shkarkua nga Vettingu, KPA lë në fuqi vendimin e KPK për Fatmir Hoxhën

Pas ankimimit në Kolegjin e Posaçëm të Apelimit, largohet nga sistemi i drejtësisë, gjyqtari i Gjykatës Kushtetuese, Fatmir Hoxha.

Kolegji i Posaçëm i Apelimit me trupë gjykuese kryesues: Albana Shtyllën, relator: Ina Rama dhe anëtarë: Luan Daci, Natasha Mulaj, Rezarta Schuetz kanë vendosur të lënë në fuqi shkarkimin për efekt të Vettingut për gjyqtarin Fatmir Hoxha.

Hoxha u shkarkua disa javë më parë pasi rezultoi se nuk justifikonte dot pasurinë dhe disa para të mbledhura nga dasma e tij vite më parë.

LEXO EDHE:
Gjyqtarja Ardiana Bera jep shpjegime për bilancet negative dhe vendimin për 21 janarin

Hoxha ankimoi vendimin duke kërkuar rikthim në detyrë, por KPA vendosi të quajë si të drejtë vendimin e KPK. Këtë vendim, gjyqtari Hoxha ka mundësinë ta apelojë vetëm duke iu drejtuar Gjykatës së Strasburgut.

Ky nuk është rasti i parë që KPA lë në fuqi vendimet e KPK. Më herët Kolegji e quajti të drejtë shkarkimin e gjyqtarit tjetër të Kushtetueses, Fatos Lulos.

Njoftimi i plotë i KPA

Trupa gjykuese e Kolegjit të Posaçëm të Apelimit, kryesuar nga Albana Shtylla, relatore Ina Rama dhe anëtarë Luan Daci, Natasha Mulaj, Rezarta Schuetz, sot, më datë 25.09.2018, shqyrtoi në dhomë këshillimi, mbi bazë dokumentash, ankimin e subjektit të rivlerësimit Fatmir Hoxha, ndaj vendimit nr. 18, datë 10.05.2018, të Komisionit të Pavarur të Kualifikimit.

Kolegji i Posaçëm i Apelimit, në përfundim të gjykimit, bazuar në nenin 66, pika 1, shkronja “a” e ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” vendosi me shumicw votash:

Lënien në fuqi të vendimit nr. 18, datë 10.05.2018 të Komisionit të Pavarur të Kualifikimit që i përket subjektit të rivlerësimit Fatmir Hoxha.

Ky vendim është i formës së prerë dhe ka efekt të menjëhershëm.

U shpall sot në Tiranë, më datë 25.09.2018.

Kolegji i i Posaçëm i Apelimit, do të publikojë vendimin e plotë të arsyetuar brenda 30 ditëve nga shpallja e tij.

TAG:
• gjykata kushtetuese
• KPK
• Fatmir Hoxha
• kpa

Sondazhi i ditës:

A ka politika frikë nga SPAK-u?

• Po

  68.5%

• Jo

  26.7%

• Nuk e di

  4.8%

Vota total: 2217

• Sondazhi i ditës:

  A ka politika frikë nga SPAK-u?

  Po Jo Nuk e di