U zhdukën në Dibër, dy vajzat gjenden në Tiranë, kryefamiljari: S’kishin lekë në xhep, dyshojmë se…

Gjenden në Tiranë, dy vajzat 15 dhe 19-vjeçe, përkatësisht tezja dhe mbesa të denoncuara nga familjarët e tyre të zhdukura që prej 3 shtatorit. Aventura e tyre ka zgjatur tre ditë, por kryefamiljari Dalip. P i kontaktuar nga Shqiptarja.com dhe Report Tv ka dyshime se vajzat mund t’i ketë ndihmuar një person i tretë për tu arratisur, me qëllim trafikimin e tyre.

Sipas tij, vajzat janë larguar ditën kur mbesa e familjes Xh.Sh 19 vjeçe nga Bulqiza kishte shkuar për vizitë në shtëpinë e gjyshit. Ajo është ndalur të bisedojë me tezen e saj 15 vjeçaren A.P dhe pak minuta më vonë janë zhdukur.

Pas denoncimit në polici, kryefamiljari Dalip, P mësoi se vajza e tij dhe mbesa ndodheshin në Tiranë në shtëpinë e vajzës tjetër të tij. Në polici ato kanë thënë se kanë ikur me dëshirë, se nuk i ka nxitur askush. Vajzat janë shprehur se po të lajmëronin familjarët ata nuk do t’i lejonin të iknin në Tiranë.

LEXO EDHE:
Dibër, arrestohet 30-vjeçari, u kap me lëndë narkotike në automjet

Nga ana e tij kryefamiljari nga Dibra shprehet se si vajza e tij ashtu edhe mbesa nuk kishin lekë në xhep për tu larguar. Ai dyshon se ata janë marrë nga një person i tretë me qëllim trafikimin dhe kur çështja u mediatizua, i ka dorëzuar në Tiranë.

Duke qënë se vajzat ishin banore në fshatin Lishan i Poshtëm në Dibër, shumë afër me Maqedoninë, policia nisi kërkimet në shtetin fqinjë me qëllim gjetjen e tyre. Por nga Tirana erdhi lajmërimi që ato ishin gjetur shëndoshë e mirë.

TAG:
• Diber
• zhdukja
• dy vajzat
• Dalip.P

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.9%

• Jo

  74.1%

• Nuk e di

  6.9%

Vota total: 851

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di