Udhëtime private me të dashurën, ministri norvegjez jep dorëheqje se nuk informoi Qeverinë

Ministri norvegjez i Peshkimit, Per Sandberg jep dorëheqjen, pas kritikave të shumta që , pasi ai nuk kishte informuar Qeverinë lidhur me disa udhëtime private në Iran dhe Kinë.

Sandberg nuk e mohon se ka udhëtuar në korrik në Iran dhe në Kinë e se kishte qëndruar gjatë muajit maj. Gjithashtu ai bënë të ditur se për këto udhëtime, nuk e kishte njoftuar paraprakisht Zyrën e Kryeministres.

Sandberg, 58-vjeç, është zëvendëskryetar i partisë për Progres, që është parti me politika anti-migratore. Ai ka pranuar, se gjatë udhëtimeve në Iran dhe Kinë, ku ka qenë i shoqëruar nga e dashura e tij, kishte pasur me vete telefonin e punës.

LEXO EDHE:
Kryeministri i Ukrainës paralajmëron rrezikun e Luftës së Tretë Botërore

Sipas rregullave në Norvegji, anëtarët e kabinetit qeverisës janë të obliguar që të njoftojnë paraprakisht Qeverinë lidhur me udhëtimet private jashtë vendit, pavarësisht se cilin vend do të vizitojnë.

Përdorimin e telefonave të lëshuar nga Qeveria në shtetet ku Norvegjia nuk ka bashkëpunim në fushën e sigurisë, ndalohet në Norvegji.

Menjëher pasi ishte kthyer nga Irani, Sandberg ishte urdhëruar që ta dorëzojë telefonin e tij të punës në shërbimin e inteligjencës, për t’u siguruar se telefoni nuk i është hakuar në Iran.

Norvegjia vazhdimisht liston Iranin në mesin e vendeve ku më së shumti kryhet spiunazh, së bashku me Kinën dhe Rusinë.

Sandberg, megjithatë, nuk ka dhënë asnjë arsye se pse ai ka shkelur protokollet e sigurisë së Qeverisë.

TAG:
• Rusi
• Norvegji
• Irani
• Kina
• Per Sandberg

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.3%

• Jo

  72.8%

• Nuk e di

  8.9%

Vota total: 1490

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di