Deputeti i Partisë Demokratike, Gazment Bardhi ka deklaruar këtë të enjte në një deklaratë për shtyp se projekti i “Unazës së Re” është korruptiv dhe i paligjshëm. Bardhi u shpreh se niveli i korrupsionit dhe paligjshmëria i këtij projekti është aq e madhe, saqë, sipas tij, shumë zyrtarë të lartë duhet të ishin sot në burg duke u hetuar për shpërdorim detyre.
Deputeti demokrat tha se me miratimin e kryeministrit Edi Rama dhe kryebashkiakut Erion Veliaj, qeveri ka anashkaluar procedurat kyçe të realizimit të këtij projekti madhor publik dhe kryesisht studimin e fizibilitetit.
Bardhi u shpreh se në nxitim për të grabitur 40 milionë euro, qeveria nuk ka zbatuar VKM nr 628 për të bërë analizën e kostos dhe përfitimeve, ku përfshihet si detyrim ligjor edhe vlera e shpronësimeve. E kësisoj, Bardhi deklaroi se askush nuk e di sesa kushton realisht projekti i “Unazës së Re”.
40 milionë euro është vetëm vlera që Edi Rama ka vendosur të ndajë me 3 kompani të paracaktuara për ndërtimin e 2.2 kilometrave rrugë. Ligji përcakton se për të shkuar deri tek tenderimi i një vepre si kjo e “Unazës së Re” duhet të realizohen disa vlerësime.
Projekti 40 milionë euro është tenderuar pa studim fizibililiteti, pa vlerësim të ndikimit në mjedis, pa analizë kostoje dhe përfitimi dhe pa vlerësim shpronësimesh.
Gazment Bardhi, Deputet i Partisë Demokratike
Ai vijoi më tej duke thënë se, nën presionin e protestave të qytetarëve dhe opozitës, qeveria ka pranuar se projektimi i veprës tek "Unaza e Re" është sponsorizim nga një kompani private, dhe, sipas Bardhit, ky është një tjetër veprim i paligjshëm.
Ligji i sponsorizimeve, që në nenin e parë të tij, ndalon sponsorizimet për institucionet shtetërore në fushën e ndërtimit të rrugëve. Por, përsa kohë, projektet tenderohen për të vjedhur, shkelja e ligjit është një normalitet për qeverinë e Edi Ramës. Siç paracaktoi në tenderin korruptiv kompanitë me të cilat do të ndajë 40 milionë eurot tek Unaza e Re, duke pranuar një dhuratë, një sponsorizim të paligjshëm, Edi Rama ka paracaktuar edhe supervizorin e punimeve, që pritet të jetë vetë kompania dhuruese e projektit të paligjshëm 40 milionë euro.
Gazment Bardhi, Deputet i Partisë Demokratike
Në fund, Bardhi i bëri thirrje prokurorisë të dëgjojë zërin e banorëve dhe të marrë menjëherë në shqyrtim kallëzimin e tyre penal.
Lajme të tjera
-
Dy vite pa mandat, Avokati i Popullit mbetet peng i politikës! Asnjë iniciativë nga PS e PD, burime nga palët: Jo diskutim konkret
22 Prill, 20:55
-
Asgjë e re nga fronti i Perëndimit për të korruptuarit dhe “non gratat”
19 Prill, 10:34
-
Mandati Xhaçkës, Bardhi pas mbledhjes së grupit: Nesër ridepozitojmë kërkesën në Gjykatën Kushtetuese! Kam indinjatë ndaj 4 deputetëve të Bashës
17 Prill, 15:27 -
Edhe Bardhi ‘la jashtë’ Berishën nga grupi i PD-së? Nikollës s’i çoi një listë deputetësh! Analisti: Pse s’i kërkoi llogari Kuvendit! Meçe: Situata absurde
16 Prill, 21:53 -
Ligji për territorin, Bardhi në komision: Legalizim falas për oligarkët, burg për qytetarët! Shtyhet votimi
16 Prill, 14:30 -
Berisha jashtë grupit të PD, Kuvendi: Bardhi ktheu vetëm të përjashtuarit gjatë kësaj legjislature, ish-kryeministri s’ka qenë pjesë
16 Prill, 12:36 -
Futen në grup të përjashtuarit e PD, Kuvendi lë jashtë Berishën! Bardhi i paqartë: Grupi është i bashkuar prej 5 shtatorit
15 Prill, 17:11 -
Kërkesa e opozitës për debat, Bardhi: Raportet flasin për shtim të trafikut të drogës! Çuçi: S'ka vend për mocion! Gjykatat janë shprehur
15 Prill, 15:50 -
Bardhi letër Komisionit Europian, PE dhe ambasadave në Tiranë: PS po mbron Olta Xhaçkën, nuk zbatoi vendimin e Kushtetueses për mandatin
15 Prill, 12:20 -
Bardhi rrëzon vendimin e Bashës, rikthen në grupin e PD-së Berishën dhe deputetët e përjashtuar! Alibeaj: Pazar mes PS-së dhe Rithemelimit
11 Prill, 10:52 -
Mandati i Xhaçkës nuk shkon në Kushtetuese, PS rrëzon kërkesën e opozitës! Deputetja: Bashkëshorti im vetëm investitor i asistuar, jo strategjik
11 Prill, 07:29 -
Skënder Minxhozi: Hetoni vjedhjet po mos u tallni me vrasjet
10 Prill, 09:12
