POP 5

Lajmet më të lexuara të 5 minutave të fundit

“Unë e mbaj familjen por nuk më mbështesin”, këngëtarja shqiptare e pranon hapur

Këngëtarja Jeta Faqolli

Ndoshta nuk e keni vënë re, por nga fakti që ajo shfaqej pothuajse gjithmonë në ekranet shqiptare, ylli i muzikës ka më shumë se dy vite që është shkëputur. Gjithsesi Jeta Faqolli ka vendosur të rikthehet sërish në tregun muzikor shqiptar. E ftuar në emisionin “Rudina”, ajo tregoi vështirësitë e fillimit të karrierës së saj. Jeta tha se prindërit nuk e kanë mbështetur aspak në pasionin që ajo kishte për këngën.

 “Që e vogël kam bërë mësime për instrumentin e mandolinës. Kam bërë dhe disa aktivitete, por shumë pak sepse prindërit e mi ishin shumë fanatikë dhe nuk më lejonin. Pas shkollës 8-vjeçare edhe ditëlindjet i kam patur të ndaluara, kam qenë shumë e mbyllur. Kam patur shumë ëndrra dhe i kam nisur me shumë vonesë kur kam ardhur në Tiranë dhe di unë ç’kam hequr derisa mora në dorë timonin e jetës time. Edhe prindërit më vonë e panë që nuk kishte asgjë të keqe të merreshe me muzikë. Kanë qenë vite të vështira për vajzat në atë kohë sepse kishte shumë rrëmbime, ndërkohë prindërit e mi kishin vetëm 4 vajza dhe nuk dinin si t’na mbronin.

Vite më vonë unë i kam kritikuar, megjithatë ky ka qenë fati im. Më kanë ngelur shumë gjëra të parealizuara, tani është shumë vonë, por të paktën kam arritur diçka tjetër. Prindërit e mi janë indiferentë për muzikën time, nuk janë bashkëpunues. Çelësi i suksesit është mbështetja familjare, gjë që unë nuk e kam patur. Pavarësisht se nuk e shprehin, prindërit tani besoj janë shumë të kënaqur sepse unë jam ajo që mbaj familjen. Kam bërë shumë gjëra dhe kam ndërtuar karrierën time me forcat e mia. Tani gjërat kanë ndryshuar dhe unë jam shumë e qetë,”- tha Faqolli.

fl.mi.
Komento