POP 5

Lajmet më të lexuara të 5 minutave të fundit

Sport

United përmbys Juven në Champions, fitojnë me goleadë Real dhe City

Manchester United përmbys Juventusin duke fituar ndeshjen e grupit H në Champions League. Goli i Ronaldos nuk u mjftoi bardhezinjve që hedhin një hap fals ndërsa Mourinho feston në mënyrë të ekzagjeruar në fund të takimit. Fitore me goleadë kanë arritur Real Madrid dhe Manchester City ndërsa tre pikët i kanë marrë edhe Bayern e Roma.

United përmbys Juven në Champions, fitojnë me goleadë Real dhe City

Momenti nga goli i barazimit të United

Hap fals i Juventusit në ndeshjen e katërt të grupit H të Champions League. Manchester United përmbysi në katër minuta bardhezinjtë dhe shtyn kualifikimin e skuadrës së Allegrit. Juvja dominon dhe gjen golin me Ronaldon në minutën e 65-të që shënon një perlë të vërtetë.

Në minutat e fundit anglezët përmbysin gjithçka me golat e Juan Mata në të 86-tën dhe autogolin e Alex Sandro në fund.Juvja mbetet në krye të grupit me 9 pikë ndjek United me 7 ndërsa 5 pikë ka Valencia që dje fitoi 3-1 ndaj Young Boys. Mourinho në fund feston në mënyrë të ekzagjeruar përpara tifozëve të Juventusit që sipas tij e kanë ofenduar gjatë gjithë ndeshjes. Një festim që nuk është pëlqyer as në Angli.

Real Madrid me Solarin në krye ka gjetur rrugën e rrjetës. 5- 0 fituan mbrëmë Los Blancos në Çeki ndaj Viktoria Plzen dhe ngjiten në krye të grupit G me 9 pikë. Shkëlqeu Benzema me dy gola dhe rrjetën e tundën edhe Casemiro, Bale dhe Kroos.

Me golat e Manolas dhe Pellegrinit Roma pushtoi Moskën duke mposhtur 2-1 CSKA-në. Tre pikë jetike që e afrojnë me kualifikimin skuadrën verdhekuqe.

Goleadë bëri edhe Manchester City për të kryesuar me 9 pikë grupin F. 6 me 0 e mundën Shakhtar Donetsk të besuarit e Pep Guardiolës me Gabriel Jesus që morri topin në shtëpi pas realizoi tregolësh. Po ashtu shënuan edhe David Silva, Sterling dhe Mahrez. Me 6 pikë Lyon mban vendin e dytë në grup pasi barazoi 2-2 ndaj Hoffenheim.

Dygolëshi i Robert Lewandowskit i dha fitoren Bayernit ndaj AEK Athinës dhe kryeismin e vetme të grupit E me 10 pikë. Ajax mban vendin e dytë pasi barzoi 1-1 në Lisbonë ndaj Benficas.
 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54