Vettingu në Politikë, Balla: Basha propagandë, SPAK nuk i fal familjarët e politikanëve

TIRANE-Në mungesë të kryeministrit Edi Rama që ndodhet në SHBA, Taulant Balla ka drejtuar mbledhjen e grupit parlamentar, teksa në fokus ka qenë propozimi i Lulzim Bashës për vettingun në politikë. Sipas burimeve të Report Tv, Balla është shprehur se propozimi i Bashës është i dobët e i dështuar dhe po bëhet për propagandë, pasi vettingun e vërtetë do e bëjë Reforma në Drejtësi. Gjithashtu kryetari i grupit të PS, sipas gazetares Esiona Konomi është shprehur se propozimi i Bashës shmang hetimin e familjarëve, ndërsa Byroja e Hetimit dhe SPAK do ta bëjnë një gjë të tillë.

Propozimi i Bashës i dështuar dhe propagandë politike. Propozimi si t'i zësh rrugën me ferra reformës në drejtësi. Jemi gati për vetting të vërtetë, reforma në drejtësi e garanton 100%, Byroja Kombëtare dhe SPAK garanton plotësisht vettingun e politikanëve, nuk ndalen vetëm tek politikanët por edhe tek familjarët. Propozimi i Bashës shmang hetimin e familjarëve. Gati për cdo propozim që s'prek reformën në drejtësi dhe vijimin e vetingut për gjyqtarët e prokurorët.

Taulant Balla

Deklarata e Ballës sot në mbledhjen e grupit është një paralajmërim për një votë kundër të shumicës, pasi drafti i propozuar nga PD nuk parashikon vettingun për familjarët e politikanëve. PD depozitoi në datë 7 shtator në Parlament draftin që synon ndryshimet kushtetuese për vettingun për politikanët, por jo për familjarët e tyre.

Rama u përgjigj duke thënë se është në dakordësi të plotë me këtë nismë të PD-së, por me kusht që ky Vetting, të përfshijë edhe pasuritë e anëtarëve të tjerë të familjes së një politikani, duke u kthyer në një “sitë” të njëjtë me atë të Vetting-ut në sistemin gjyqësor.

LEXO EDHE:
Basha takon ambasadoren e OSBE, në fokus reforma zgjedhore dhe drejtësia

Por Basha nuk e përmend një gjë të tillë duke qenë kundër vettingunt për familjarët e politikanëve. Report Tv siguroi draftin e dorëzuar në Kuvend nga PD të pr/ligjit ku nuk përmendet në asnjë prej pikave hetimi i familjarëve të politikanëve.

Arsyetimi me tre pika i Taulant Ballës

1.Nisma e Bashës është cungim i reformës në drejtësi. SPAK dhe BKH sigurojnë vetingun e politikës në shkallë shumë më të gjërë:
a. SPAK dhe BKH nuk kalojnë në sitë vetëm lidhjet e politikanëve me krimin (siç parashikon propozimi i Bashës), por edhe pasurinë dhe të ardhurat e tyre;
b. SPAK dhe BKH nuk ndalojnë vetëm tek politikanët (siç parashikon propozimi i Bashës), por edhe tek familjarët e tyre; 
c. SPAK dhe BKH nuk mjaftohen vetëm me largimin e politikanëve të lidhur me krimin nga politika (siç parashikon propozimi i Bashës), por sigurohen që ndaj politikanëve të korruptuar dhe lidhur me krimin merren masa ndëshkuese deri edhe me burgim.
2. Nisma e Bashës është autoveting i politikës, ndërkohë përmes SPAK dhe BKH vetingun e politikës nuk e bëjnë vetë politikanët apo disa “kukulla” të zgjedhur prej tyre, por organet e pavarura të drejtësisë dhe institucionet kushtetuese, të monitoruara nga BE dhe SHBA.
3. Pas muajsh përpjekje për të ndaluar reformën në drejtësi dhe ngritjen e SPAK dhe BKH, tani që institucionet kushtetuese që do të kryejnë vetingun e politikës janë gati për të nisur nga puna, Basha vjen me një propozim për të dobësuar SPAK dhe BKH dhe për t’i zëvendësuar ato me një “gjoja” veting që:
a. Bëhet nga vetë politikanët për veten e tyre;
b. Nuk merret me pasurinë e politikanëve;
c. Nuk merret me familjarët e politikanëve;
d. Nuk merret me dënimin e politikaneve te korruptuar apo të lidhur më krimin.

TAG:
• edi rama
• lulzim basha
• taulant balla
• vettingu ne politike

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.6%

• Të gabuar

  83.7%

• Nuk e di

  4.7%

Vota total: 5474

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di