Vettingu në politikë, Basha kundër Ramës: Dërgimi në Komisionin e Venecias, i panevojshëm

Kryetari i PD, Lulzim Basha insiston për Vettingun në politikë. Në një bashkëbisedim me gazetarët, Basha iu përgjigj edhe deklaratës së kryeministrit Edi Rama i cili u shpreh i gatshëm për ta dërguar projektligjin në Komisionin e Venecias për mendim. Sipas Bashës, një lëvizje e tillë është e panevojshme sepse sipas tij Venecia është shprehur njëherë, për Vettingun e gjyqtarëve dhe prokurorëve.  

Shqiptarët nuk kanë kohë të presin. Komisioni i Venecias është shprehur në ligjin për gjyqtarët. Të premten të mblidhet seanca e këshillit të legjislacionit dhe komisionit të Ligjeve, Ruci duhet të mbledhë këshillin e rregullores për të nisur pa vonesë procedurën për shqyrtimin e amendamenteve për vetingun e politikanëve. Më pas propozimi të jetë në sallën e kuvendit.

LEXO EDHE:
Lufta poshtë brezit për dominimin e opozitës

Lulzim Basha, kryetar i PD

Basha: Vettingu s'do lejojë daljen e peshqve të mëdhenj nga rrjeta
Kreu demokrat theksoi se Vettingu në politikë nuk duhet të lërë asnjë shteg për politikanët e lidhur me krimin dhe pasuri të pajustifikuara që t'i shpëtojnë sitës. 

Sot në Kuvend kemi përfaqësues direkt të bandave, si Cyrbja dhe politikanë karriere të PS që janë vënë direkt në shërbim të bandave, si Tahiri, Balla, Xhafaj dhe vetë Rama, kryepengu i fabrikës së kokainës së Xibrakës. Ligji për vetingun e politikanëve bazohet në të njëjtin instrument si vetingu, por ndryshe nga ai që u kalua pa votat e opozitës, që çoi në kapjen e komisionerëve. Ligji për vetingun e politikanëve nuk do të lejojë daljen e peshqve të mëdhenj nga rrjeta. 

Lulzim Basha, kryetar i PD

Kryedemokrati u shpreh se instrumentet që do bëjnë Vettingun te politikanët do jenë apolitike.

Vettingu do bëhet nga përfaqësues jo politikë. Vettingu bën të mundur ndërprerjen e mandatit, ndërsa SPAK-u të çon në burg. Nuk do ketë në këtë proces hapësirë nga institucionet e kapura që t'i ofrojnë alibinë Edi Ramës. Nuk do ta bëjnë vartësit e Edi Ramës dhe as të opopzitës. Duhet të jetë i besueshëm dhe duhet të kryhet nga instancat që gëzojnë besueshmëri dhe janë larg çdo dyshimi. Do ta merrni vesh në kohën e duhur se kush do jenë këto instanca. Vettingu në drejtësi ka treguar problematikën e vet të kapjes së sistemit, Vettingu në politikë s'duhet të lërë asnjë shteg për politikanët e lidhur me krimin dhe që nuk justifikojnë pasuritë. Vettingu i politikanënëve bazohet në një njëjtin instrument si dekriminalizimi. Ndryshe nga ligji i Vettingut që kaloi pa votat e opozitës dhe çoi në kapjen e komisionerëve të Vettingut, njëri dhe njëra të kapur nga Rama dhe Agaçi dhe tjetri falsifikator i diplomave. Bazuar mbi këto mësime, ligji për Vettingun e politikanëve nuk do lejojë asnjë hapësirë për kapjen politike të sistemit. Do jetë nën monitorimin e ndërkombëtarëve.

Lulzim Basha, kryetar i PD

TAG:
• edi rama
• lulzim basha
• vettingu ne politike
• komisioni i venecias

Sondazhi i ditës:

Sa i përhapur është korrupsioni në Shqipëri?

• Shumë

  84.4%

• Pak

  9.2%

• Nuk e di

  6.4%

Vota total: 2803

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di