Vettingu politik, Patozi: Teatër, nuk ka për t’u bërë, Basha po përdoret nga Rama

Për Astrit Patozin, Vettingu në politikë nuk do realizohet. Ish-kryetari i grupit parlamentar të PD dhe një prej kritikëve më të ashpër të Lulzim Bashës thotë se asnjë prej palëve nuk e ka seriozisht një nismë të tillë, as iniciatorët e saj, Partia Demokratike. 

Të dyja qëndrimet janë të vërteta, teksa provojnë se unë nuk paragjykoj. Kur flas përpiqem të jem i ftohtë dhe i barazlarguar nga emicionet. Vijoj t’i mbetem pikëpamjes sime që vettingu është një gjë e dobishme për politikën, madje jam ndër ata që mendoj se vettingu mund të ishte bërë më herët, apo i njëkohshëm me vettingun në drejtësi. Ndërkohë, unë i qëndroj plotësisht pikëpamjes që Partia Demokratike sot është në kohën e vet më të keqe në të gjithë historinë e saj, kryesisht për shkak të lidershipit të gabuar të Lulzim Bashës. Nuk më pengon asgjë të them se, në rast se Basha e ka seriozisht sfidën apo projektin e vettingut, unë do ta mbështes në të gjitha rastet. Por dyshoj te ky seriozitet, sepse kam parë zhvillimet pas lançimit të idesë, që më lënë një shije të keqe. Mënyra sesi janë sjellë palët që nga dita e anonçimit nga Basha, është e tillë që të krijon idenë e një teatri, ku të dyja palët nuk duan që të bëhet, por që po përpiqen me shumë sforco që t’ia lënë dopio gjashtën në dorë palës tjetër.

Astrit Patozi, ish-kryetar i grupit parlamentar të PD

Patozi i referohet edhe marrëveshjes që sipas tij kanë Edi Rama dhe Lulzim Basha. Sipas tij, “herë pas herë Basha përdoret nga Rama, për të mos thënë në të gjitha rastet”.

Patozi aludon më tej se, “edhe nëse nuk ka një marrëveshje të shkruar mes palëve, ka një marrëveshje në heshtje që ekziston në shumë detaje të jetës politike në Shqipëri”.

LEXO EDHE:
Humbja e thellë e PD-së më 14 maj, Astrit Patozi për Report Tv: Shkak përçarja! Nëse Berisha dhe Basha vijojnë ‘luftën’, s’ka bashkim

Ajo që mund të them me siguri është që mes tyre ka pasur një marrëveshje shumë të qartë dhe evidente vitin e shkuar, para zgjedhjeve parlamentare, që e di kushdo. Kjo marrëveshja që pati rezultatin e saj mund të mos jetë në fuqi, për shkak se Basha nuk mori atë që pretendonte apo priste prej saj, ndërkohë që Rama mori atë që shpresonte.

Astrit Patozi, ish-kryetar nënkryetar i PD

/top-channel/ 

TAG:
• astrit patozi
• vettingu ne politike

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.3%

• Të gabuar

  83.9%

• Nuk e di

  4.8%

Vota total: 5103

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di