TIRANE-Ministri i Brendshëm Fatmir Xhafaj priti paraditen e sotme në një takim ambasadorin e posaçëm dhe Koordinatorin Kundër Terrorizmit në Departamentin Amerikan të Shtetit, Nathan A. Sales. Zyra e shtypit të ministrit ka zbardhur takimin e Xhafajt me zyrtarin e lartë të DASH.
Ministri i Brendshëm e ka njohur zyrtarin e lartë amerikan me strategjinë e palës shqiptare për të parandaluar ekstremizmin e dhunshëm, përmes një marrëdhënie të re të ndërtuar mes Policisë dhe Komunitetit.
Në fokus të punës mes dy vendeve janë, sipas njoftimit zyrtar, përveç të tjerash, edhe çështje të luftës kundër terrorizmit dhe ekstremizmit të dhunshëm, për të cilat është ndërtuar dhe funksionon një marrëdhënie shumë e mirë me partnerët amerikanë.
Koordinatori Sales tha se ‘terrorizmi si një sfidë globale kërkon përkushtim dhe përgjigje të bashkërenduar e globale’. Ai deklaroi se mes dy vendeve ka një marrëdhënie bashkëpunimi të ngushtë në vite, në fushën e zbatimit të ligjit dhe ndjekjeve penale, si dhe mbajtjen nën kontroll të elementëve të dyshuar si të përfshirë në luftëra në vende të treta, apo akte terrori.
Shqipëria pavarësisht se ka pasur një numër të ulët të luftëtarëve të huaj të përfshirë në konflikte jashtë vendit të vet, mbetet sipas përfaqësuesit të DASH, një partner tepër i rëndësishëm në rajon në këtë kuadër.
Gjithashtu në fokus të bisedës ishte menaxhimi dhe siguria e kufirit. Ministri prezantoi arritjet dhe nevojat, sa i takon rritjes së kapaciteteve teknologjike që kanë të bëjnë me mirë administrimin dhe përpunimin e informacionit, veçanërisht të atyre të përfshirë në veprimtari të paligjshme, nevojën për më shumë asistencë dhe trajnim të dedikuar në këtë fushë, prezantimin e sistemeve të reja dhe çështje të ndërveprimit mes tyre, e gjitha kjo në funksion të parandalimit, identifikimit të individëve me prirje ekstremiste dhe terroriste.
Xhafaj shtoi se kontributi i SHBA-ve ka qenë vendimtar në sukseset e arritura. Ndërsa Sales nënvizoi se bashkëpunimi me Shqipërinë në luftën kundër terrorizmit dhe ekstremizmit të dhunshëm do të shërbejë si një gur themeli për vijimin e kësaj marrëdhënie të ngushtë edhe në të ardhmen.
/b.ha./Shqiptarja.com
Sondazhi i ditës:
Si do jenë ndryshimet në Kodin Zgjedhor që do bëjnë PS-Rithemelimi?
-
Thelbësore
8.6%
-
Të vogla
77.1%
-
Nuk e di
14.3%
Vota total: 35
Lajme të tjera
-
Në 25 vjetorin e Kushtetutës, Berisha akuza drejtësisë! Sulmon kryetaren e GJK: Fjalor i zhvejkut, politizimi i gjyqësorit po i çjerr maskën reformës së re
27 Nëntor 2023, 15:29
-
Fatmir Xhafaj dhe Oerd Bylykbashi kundër rritjes së pagës së gjyqtarëve të Kushtetueses:
12 Shtator 2023, 13:59
-
Kuvendi miraton pr/ligjet: 5 vjet punë me detyrim për mjekët e rinj! Legalizohet kanabisi mjekësor, hiqen kufizimet e kreut të Akademisë së Shkencave
21 Korrik 2023, 07:24
-
Komisioni i Ligjeve miraton pr/ligjin e legalizimit të kanabisit mjekësor, Majko e Xhafaj abstenojnë! Opozita akuzon mazhorancën: E kaluat në fshehtësi pa kuorum!
13 Korrik 2023, 13:45
-
‘Mallkimi’ i Ministrisë së Brendshme, Balla drejtuesi i 6 në 10 vite qeveri ‘Rama’! Bledi Çuçi, i vetmi i shkarkuar! Dorëheqjet e Tahirit, Xhafajt dhe Lleshaj dhe Demiraj i PD në mes
10 Korrik 2023, 10:59
-
Me urdhër të SPAK, policia zbarkon në kampin e MEK në Durrës! U gjet një qendër serverash që kryenin sulme kibernetike në institucionet e huaja (VIDEO)
20 Qershor 2023, 09:15
-
Burg për shpërdorim detyre/ Manja dhe Xhafaj kritika SPAK-ut: Jo arrestime për statistika të mira, aplikoni edhe lirimin me garanci pasurore
14 Qershor 2023, 19:21
-
Kreu i SPAK te ‘Ligjet’: Presion nga politika? Kanë punën e tyre, unë s’e ndiej! Asnjë zyrtar i lartë shkelës i ligjit s’ka ‘imunitet’ për ne! Majko-Xhafaj: Zbardhni dosjet prioritare
26 Maj 2023, 11:30
-
Fatmir Xhafaj në Report Tv: Në Tiranë s'ka garë, Veliaj politikan rrace dhe modeli i njeriut punëtor, s'ka konkurrentë! Vota më 14 maj, kundër të vjetrës
10 Maj 2023, 16:38
-
Vlerësim figurave të PS në Njësinë 10, Veliaj: Kemi fituar 8 nga 9 zgjedhjet e fundit, rekord në Evropë
17 Prill 2023, 12:04
-
Kuvendi i rrëzoi amendamentin në Paketën Fiskale, kush ishin socialistët që ‘dolën nga rreshti’ për ta mbështetur Erion Braçen! Më pas njoftoi ‘koha për punë tjetër’
26 Nëntor 2022, 11:30
-
Xhafaj në Kuvend: Hiqni dorë nga presioni, ka ardhur koha që të ndëshkohet ndikimi në drejtësi
14 Korrik 2022, 16:42