Video/ Shkëmbim raketash gjatë natës, Irani godet për herë të parë Izraelin

Irani dhe Izraeli ka shkëmbyer zjarr gjatë natës së djeshme në kufirin sirian, duke shënuar herën ë parë që tehrani e sulmon direkt Izraelin.

Natën e kaluar forcat iraniane lëshuan 20 raketa nga Siria në drejtim të pozicioneve ushtarake izraelite në Lartësitë e Golanit, bëri të ditur ushtria izraelite.

Organizata britanike “Syrian Observatory for Human Rights” tha se bombardimet e Izraelit vranë të paktën 23 ushtarë, përfshi sirianët dhe jo-sirianët.

Izraeli tha se raketat iraniane u rrëzuan gjithsesi nga sistemi i saj mbrojtjes ajrore Iron Dome, ose ranë larg objektivave në Golan, duke pretenduar se sulmi u ndërmorr nga Forcat Quds, një ushtri e jashtme e Gardës Revolucionare iraniane.

Sistemi mbrojtës izraelit rrëzon raketat iraniane

Si kundërpërgjigje, Izraeli lëshoi me dhjetëra raketa ndaj pozicioneve iraniane në Siri, të cilat goditën një stacion radarësh, pozicionet e mbrojtjes ajrore dhe një depo armatimesh, sipas televizionit shtetëror sirian.

Kundërpërgjigja e artilerisë izraelite pas sulmit iranian

Shkëmbimi i zjarrit mbërriti brenda më pak se një dite pasi presidenti amerikan Donald Trump u tërhoq nga marrëveshja bërthamore e 2015-s me Iranin, që i kishte lehtësuar sanksionet ndaj Tehranit në këmbim të ndërprerjes së programit të tij bërthamor.

Video e ushtrisë siriane tregon interceptimin e raketave izraelite

s.k.
Komento