Viti i ri shkollor në Shkodër/ Ulqinaku: Shkolla në Dajç është mbyllur, investime zero (VIDEO)

Viti i ri shkollor në Shkodër/ Ulqinaku: Shkolla në Dajç është mbyllur, investime zero (VIDEO)

Deputetja e PD-së, Izmira Ulqinaku në Shkodër

Viti i ri shkollor për sistemin parauniversitar ka nisur edhe në Shkodër. Partia Demokratike ka reaguar për nisjen e vitit shkollor. Deputetja e PD-së, Izmira Ulqinaku, nga Dajçi i Shkodrës ka thënë se shkolla në këtë njësi është mbyllur, dhe se investimet e qeverisë për arsimin janë zero.

Dua të uroj të gjithë nxënësit një vit të mbarë. Ndodhem këtu sot, pasi siç e shihni, shkolla në njësinë Dajç është e mbyllur. Nuk është shkolla e vetme, ka dhjetra të tjera në të gjithë vendin. Çmimet e librave janë rritur dhe investimet e zero. Kemi shifra alarmante për fëmijët që kanë braktisur bankat e shkollës. Rama të mos tallet me librat gjoja falas. Dua t’ju bëj thirrje shqiptarëve që të ndalojnë këtë situatë. Mos lejoni banditët të presin ëndrrat e shqiptarëve

Deputetja e PD, Izmira Ulqinaku

Mbyllja e shkollave është raportuar përgjatë muajit të fundit nga Report Tv dhe Shqiptarja.com në shumë zona të Shqipërisë.

Por ministria e Arsimit dhe Drejtoritë e Arsimit në rrethe kanë thënë se mbyllja e shkollave nuk ka ardhur për shkak të uljes së numrit të nxënësve, por për të eliminuar klasat kolektive, ku nxënës të moshave të ndryshme bëjnë mësim me një mësues.


Lajmi kryesor:

Nis viti i ri shkollor, 480 mijë nxënës ulen në bankat e shkollës/ Nikolla mesazh mësuesve: Pasion dhe dashuri për këtë punë!


  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Si Lulzim Basha u dënua nga gjykata për shpifje për rastin e Olsi Ramës

Si Lulzim Basha u dënua nga gjykata për shpifje për rastin e Olsi Ramës