“Viti i Skënderbeut”, Rama i kalon Kumbaros 52 milionë lekë shtesë nga fondi rezervë i shtetit

Gjatë një mbledhje të zhvilluar ditën e djeshme, Këshilli i Ministrave ka miratuar disa vendime.

Në njërin ndër tyre, qeveria Rama vendosi që Ministrisë së Kulturës e drejtuar nga Mirela Kumbaro, në buxhetin e miratuar për vitin 2018, t’i shtohet fondi prej 52 200 000 lekësh, për mbulimin e shpenzimeve të aktiviteteve që do të realizohen në kuadër të vitit 2018, si “Viti Mbarëkombëtar i Gjergj Kastriotit-Skënderbeut”.

Fondi prej 52 200 000 lekësh ndahet, si më poshtë vijon:

a) Në programin buxhetor  “Trashëgimia kulturore dhe muzetë” (08220),  zëri “Shpenzime korente”, llog.604, fondi prej 14 200 000 (katërmbëdhjetë milionë e dyqind mijë) lekësh;  

LEXO EDHE:
Një vend dedikuar artit dhe kreativitetit, hapet Qendra e Artit, Kulturës dhe Inovacionit në Korçë

b) Në programin buxhetor “Art&kultura” (08230), zëri “Shpenzime korente”, llog.604, fondi prej 38 000 000 (tridhjetë e tetë milionë) lekësh.

Ky fond të përballohet nga fondi rezervë i buxhetit të shtetit dhe Ministria e Financave dhe Ekonomisë dhe Ministria e Kulturës janë ngarkuar për zbatimin e këtij vendimi.

Ky vendim ka hyrë në fuqi menjëherë dhe do të botohet  në “Fletoren zyrtare”.

TAG:
• edi rama
• Mirela Kumbaro
• viti i skenderbeut

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.7%

• Të gabuar

  83.6%

• Nuk e di

  4.7%

Vota total: 5373

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di