Vizita e Thaçit në veri të Kosovës, Vuçiç: U shkel marrëveshja e Brukselit, s’kanë çfarë të kërkojnë aty

Presidenti serb Aleksandër Vuçiç, në një konferencë urgjente, ka thënë se vizita e Presidentit Kosovar, Hashim Thaçi, në veri të Kosovës, shkel marrëveshjen e firmosur në Bruksel. Vuçiç ka thënë se në liqenin e Ujmanit, autoritetet kosovare mund të hyjnë vetëm me miratimin e NATO-s dhe me pëlqimin e komunitetit serb, gjë që sipas Vuçiç, nuk ka ndodhur. Vuçiç ka thënë se politikanët kosovarë nuk kanë “çfarë të kërkojnë” në këtë zonë.

Për herë të tretë që nga 26 marsi, paqja është rrezikuar në një mënyrë absolutisht të papërshtatshme. Sot ata ishin gjatë gjithë ditës në veri për të bërë një shëtitje të thjeshtë, kanë pirë kafe dhe u kthyen sikur asgjë të mos kishte ndodhur. Ata nuk po i respektojnë marrëveshjet e  Brukselit dhe për më tepër e kanë mbështetjen e ndërkombëtarëve. Në operacion u përfshinë qindra pjesëtarë të njësisë ROSU, të gjithë të armatosur me armë.Shqiptarët e armatosur në veri të Kosovës, sipas marrëveshjes që kemi arritur, mund të shfaqen vetëm me përmbushjen e dy kushteve: me miratimin e NATO-s dhe me pëlqimin e plotë të komunitetit serb. Ata nuk kanë asgjë për të kërkuar në veri të Kosovës.

Aleksandër Vuçiç, president i Serbisë

Deklarata e Vuçiç vjen pas një vizite që presidenti kosovar, Hashim Thaçi ka zhvilluar sot në Ujman, ku takoi edhe përfaqësuesë shtetërorë atje.

LEXO EDHE:
Mero Baze: Kukullat e Vuçiçit, Kukullat e Albinit dhe Shqipërim Arifi

TAG:
• hashim thaci
• aleksander vucic
• kosove-serbi

Sondazhi i ditës:

A ka politika frikë nga SPAK-u?

• Po

  68.3%

• Jo

  27%

• Nuk e di

  4.7%

Vota total: 2582

• Sondazhi i ditës:

  A ka politika frikë nga SPAK-u?

  Po Jo Nuk e di