Vllaznia mposht Laçin në Shkodër dhe përfiton nga barazimi në Durrës

Një Vllazni në ankth, aspak e qetë dhe pa besim në vetvete, ka marrë 3 pikë jetike sot në garën për mbijetesë në Superiore, duke lënë pas Teutën, që ndalet nga Kamza.

Një fitore e madhe, e vendosur që në fillim, kur Gilman Lika goditi shtyllën dhe më pas gjuajtja e dytë u ndal me dorë nga Sefgjinaj, i përjashtuar me karton të kuq, vendim i drejtë i arbitrit.

Sukaj nuk fali nga pika e bardhë, por fali shumë në vazhdim, duke hedhur poshtë shanset për të vulosur fitoren. Laçi mbeti gjallë dhe në pjesën e dytë mori zotërimin e lojës, por krijoi edhe raste të mira për shënim, duke mbajtur në ankth total “Loro Boriçin”. Megjithatë, në fund festa është shkodrane, thyhet një mallkim, sepse Laçi ishte bërë i pakalueshëm vitet e fundit. Mbijetesa duket më pranë, por ende shumë larg.

LEXO EDHE:
Kukësi - Egnatia diskutojnë trofeun e Kupës së Shqipërisë! Verilindorët eleminojnë Tiranën, rrogozhinasit mes dramës Vllazninë

Vllaznia – Laçi     1-0

Sukaj 6′

Vllaznia: Sherri, Gocaj, Malota, Berisha, Mersini, Krymi (Bardulla 70′), Lika, Tafili, Vucaj, Çinari, Sukaj (Ribaj 63′). Trajner: Ernest Gjoka.

Laçi: Selmani, Shtubina (Bushi 70′), Qaqi, Sefgjini, Lushkja, Gjoni, Jonuzi (Lulaj 65′), Nika (Fangaj 46′), Rexhinaldo, Uzuni, Kallaku. Trajner: Gentian Mezani.

Kartonë të verdhë: Mersini 52′ / Shtubina 27′

Karton i kuq: Sefgjini 6′

Gjyqtarë: Klajdi Kola, Nertil Bregasi, Alfred Shkreta, Olsi Sokoli

Ndeshje e çmendur në Durrës. Gjashtë gola, por pa fitues, në një takim që pati shumë emocione. Ishte Teuta që shënoi 2 herë në pjesën e  parë me anë të Latif fillimisht dhe më pas Alhasanit.

Plaku hapi sfidën fillimisht me një gol pak minuta para fundit të pjesës së parë. Në fraksionin e dytë miqtë e shtuan presonin dhe e gjetën golin e barazimit në të 77-ën.Teuta u zgjua dhe kërkoi të kalonte sërish në avantazh, por në sekondat e fundit të kohës së rregullt ishte Kamza që me anë të Filit, të aktivizuar në pjesën e dytë, gjeti golin.

Nuk kishte mbaruar asgjë, pasi Hakaj pak sekonda më vonë goditi traversën. Në goditjen e fundit nga këndi për vendasit, Moçka godet me kokë, topi ndalet, por Latif ndjek aksionin dhe gjen golin e barazimit. Nga një pikë për të dyja skuadrat në një ndeshje spektakolare. Më shumë duket se i shkon për shtat Kamzës që ruan diferencën me Teutën.

Teuta – Kamza 3-3

Latif 13′, 90+4, Alhasan 32’ / Plaku 41′ Çukoviç 77′, Fili 90′

Teuta: Moçka, Gjeorgievski, Hila, Hrkaç (Shkalla 61′), Hakaj, Beqja (Vila 79′), Çyrbja, Dediç, Lajthia (Kruja 70′), Latif, Alhasan. Trajner: Gentian Begeja.

Kamza: Avdyli, Frashëri, Çukoviç, Kuqi, Zguro, Arrabal, Malaj (Zefi 67′), Rezi (Fili 46′), Mehmeti (Ymeri 74′), Fukui, Plaku. Trajner: Julian Ahmataj.

Gjyqtarë: L. Alla, D. Korreshi, D. Myftari, M. Qose, E. Sino, O. Ferataj.

Kartonë të verdhë: Beqja 64’/ Rezi 45+1′, Plaku 86′.

TAG:
• Vllaznia
• Laçi
• superliga

Sondazhi i ditës:

A ka politika frikë nga SPAK-u?

• Po

  68.6%

• Jo

  26.5%

• Nuk e di

  4.9%

Vota total: 3406

• Sondazhi i ditës:

  A ka politika frikë nga SPAK-u?

  Po Jo Nuk e di