POP 5

Lajmet më të lexuara të 5 minutave të fundit

Sherr me thika mes dy fqinjve në Vlorë, plagoset 30-vjeçari, kapet autori (FOTO)

Policia në vendin e ngjarjes pranë Lungomares në Vlorë

VLORE - Një sherr me thika mes dy fqinjve ka ndodhur mbrëmjen e sotme në katin e gjashtë të një apartamenti në zonën e Lungomares në Vlorë. E.B., 30 vjeç ka mbetur i plagosur dhe është transportuar me urgjencë në drejtim të spitalit të Vlorës. 30-vjeçari ka marrë plagë në trup nga goditjet me thikë, por mësohet se ndodhet jashtë rrezikut për jetën.  

Policia mbërriti menjëherë në vendin e ngjarjes dhe shoqëroi autorin e dyshuar, Perlat.S., 59 vjeç, fqinj me të plagosurin. Ai do merret në pyetje dhe nga dëshmia e tij priten të zbardhen detaje për motivet e kësaj ngjarje. Gjithashtu blutë sekuestruan edhe thikën e përdorur nga 59-vjeçari.


Policia në vendin e ngjarjes në Vlorë
 

Kanë qenë banorët e tjerë të pallatit të cilët pasi kanë parë sherrin mes dy fqinjëve kanë njoftuar policinë. Dëshmitarët thonë se mes dy fqinjëve ka pasur një konflikt të çastit i cili ka degjeneruar deri në përdorimin e armëve të ftohta (thikë). 

Pak ditë më parë, po në zonën e Lungomares pati të shtëna me armë zjarri pistoletë pas një konflikti. Ngjarja alarmoi pushuesit, ndërkohë që policia identifikoi dhe shoqëroi autorin që përhapi panik në orët e vona të mbrëmjes në periudhën e fluksit turistik në qytetin bregdetar. 

Njoftimi i policisë për ngjarjen:

Më datë 09.08.2018, në lagjen “Pavarsia 2”, shtetasi Perlat.S., 59 vjeç, pas një konflikti të çastit ka plagosur me mjet prerës, thikë, shtetasin E.B., 30 vjeç.

Shtetasi i dëmtuar ndodhet në Spitalin Rajonal Vlorë duke marrë mjekimin e nevojshëm. Ndërsa si rezultat i reagimit në kohë të Policisë u bë e mundur kapja në flagrancë e shtetasit Perlat.S..

Në cilësinë e provës materiale u sekuestrua mjeti prerës, thika, që përdori autori. Grupi hetimor po kryen veprimet e mëtejshme hetimore.

l.q.
Komento

Komente

  • Fundërrina gjaknxehtë: 10/08/2018 00:26

    Ç’janë këta neandërtalë more që nuk pyesin për asgjë? I tmerruan të huajtë i tmerruan.. Si të vinë më turistët për pushime? Në birrucë shpejt urgjent që të mos e shohi më dritën e diellit!

    Përgjigju