Vokshi letër kreut të AKEP: Pezullo urdhrin për regjistrimin e portaleve, është i paligjshëm

Vokshi letër kreut të AKEP: Pezullo urdhrin për regjistrimin e portaleve, është i paligjshëm

TIRANË- Deputetja e PD-së, Albana Vokshi i ka dërguar një letër publike kreut të AKEP, Ilir Zela, të cilit i ka kërkuar që të pezullojë urdhrin për regjistrimin e portaleve në Qendrën Kombëtare të Bizneseve dhe publikimin e nipt-it.

Sipas kryetares së Komisionit të Medias, urdhëri është antikushtetues dhe i paligjshëm, në shkelje të hapur të kompetencave që i njeh ligji për komunikimet elektronike.

Partia Demokratike mbetet e vendosur në mbrojtje të lirive dhe të drejtave themelore - siç është liria e shprehjes dhe e medias - përballë censurës shtetërore që do të instalojë Edi Rama.

Albana Vokshi, deputete e PD-së

Postimi i plotë në Facebook i Albana Vokshit:

URDHËRI I AKEP-it, ANTIKUSHTETUES DHE ANTILIGJOR

Urdhëri i datës 15 Tetor i Autoritetit të Komunikimeve Elektronike dhe Postare për regjistrimin e portaleve online në Qendrën Kombëtare të Biznesit dhe publikimin e NIPT-it në faqet e tyre është: 
- në shkelje të hapur të kompetencave që i njeh ligji për komunikimet elektronike; 
- në është shkelje flagrante të lirisë së shprehjes dhe lirisë së mediave, të garantuara nga neni 22 i Kushtetutës së Shqipërisë dhe neni 10 i Konventës Europiane për të Drejtat e Njeriut.

Si Kryetare e Komisionit Parlamentar për Median i kam kërkuar zyrtarisht kryetarit të AKEP-it pezullimin e menjëhershëm të këtij urdhëri antikushtetues dhe antiligjor.

Partia Demokratike mbetet e vendosur në mbrojtje të lirive dhe të drejtave themelore - siç është liria e shprehjes dhe e medias - përballë censurës shtetërore që do të instalojë Edi Rama.

Letra e Albana Vokshit për kreun e AKEP, Ilir Zela

Ditën e djeshme, ishte kreu i PD-së, Lulzim Basha dhe deputetja Grida Duma, ato që kundërshtuan nismën e qeverisë për regjistrimin e portaleve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Roza: 18/10/2018 14:12

    C’pune ka kjo? Kush eshte kjo qe jep rushers. Shko në parlament ti zonje dhe fol atje ku merr rrogen e majme.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shkodër/ Kryebashkiaku Beci inspekton punimet e molos tek ura e Bunës: Projekti përfundon në qershor

Shkodër/ Kryebashkiaku Beci inspekton punimet e molos tek ura e Bunës: Projekti përfundon në qershor