Vokshi ‘replikën’ e fundit me Dakon: Intimidim verbal dhe vulg i koduar, kam vetëm një pyetje

Deputetja demokrate, Albana Vokshi ka vijuar replikat në distancë me kryetarin e Bashkisë Durrës, Vangjush Dako. Në një postim në Facebook, Vokshi thotë se Dako flet me kode dhe përdor intimidimin verbal, siç bëjnë politikanët që janë të lidhur me mafien në Itali.

Replika e Vokshit, vjen pas paralajmërimit të Dakos për një padi për shpifje, pas akuzave që demokratja drejtoi për krim elektoral dhe lidhje me bandën e Avdylajve.

Vokshi shkruan:

E folura me kode dhe intimidimi verbal I z. Dako është një tregues shumë I rëndësishëm. Në të njëjtën mënyrë kundërpërgjigjeshin ndaj atyre që thonin fakte e të vërtetat, politikanët që rezultuan të lidhur me mafian në shtetin Italian, ku z. Dako ka qenë emigrant dikur. Vulgu I koduar dhe shantazhi në emër të ligjit, janë dy karakteristika të kësaj rrace politikanësh.

Kjo është replika ime e fundit. 

Kam vetëm një pyetje për z. Dako: 

Mirë mua do më cosh në gjyq, po dosjes hetimore "339" cfarë do t'i bësh??

Reagimi i Albana Vokshit në Facebook

Lajmi kryesor:

Dosja 339/ PD akuza Dakos: Rama ka kyçur provat për masakrën elektorale në Durrës. Kryebashkiaku: Padi edhe për Vokshin, zonjë gënjeshtare

TAG:
• Albana Vokshi
• vangjush dako