Vrasja e Khashoggit, publikohet videoja kur punonjësi i konsullatës saudite transporton pjesët e trupit të gazetarit

Vrasja e Khashoggit, publikohet videoja kur punonjësi i konsullatës saudite transporton pjesët e trupit të gazetarit

Momenti kur punonjësi i Konsullatës Saudite del me çanta të zeza

Televizioni shtetëror turk ka transmetuar një video ekskluzive ku shihet një person duke dalë nga konsullata e Arabisë Saudite në Stamboll me çanta në duar në të cilat dyshihet se gjendeshin pjesët e trupit të gazetarit të vrarë Jamal Khashoggi.

Në video duket personi ende i paidentifikuar duke nxjerrë pesë çanta të zeza sportive nga dalja kryesore e Konsullatës në të cilën gazetari Khashoggi u vra në fillim të tetorit.

Edhe pas publikimit të videos ende nuk ka një reagim nga autoritetet saudite sa i përket faktit se çfarë ndodhej brenda çantave.

Jamal Khashoggi ishte një kritik i princit të kurorës Muhammed bin Salman. Ai  u vra nga një ekip agjentësh sauditë në konsullatën saudite në Stamboll më 2 tetor.

Khashoggi jetonte në Amerikë dhe ndodhej në Turqi vetëm  për të marrë dokumentet në mënyrë që të martohej me të fejuarën e tij turke.

Fillimisht qeveria saudite e mohoi vrasjen e tij, ndërsa më pas ndryshoi qëndrim duke pranuar se ai ishte vrarë aksidentalisht në konsullatë pas një grindje me një ekip të dërguar për të negociuar kthimin e tij në atdhe.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit