Vrasja në Shkodër, flasin tregtarët e banorët: Kemi frikë, na ruajtë Zoti, viktima nuk ishte problematik (VIDEO)

Një ditë pas krimit në Shkodër pranë tregut të Rusit, tregtarë dhe qytetarë pranojnë që ndihen të tronditur dhe frikësuar nga kjo ngjarje e rëndë. Banorët dhe tregtarët thonë se viktima nuk ishte person problematik, ndërsa shprehen të frikësuar dhe nuk pranojnë që të flasin për dinamikën e ngjarjes.

Frikë kemi, por ishalla na ruan Zoti, dje nuk kemi qenë këtu. E keqja është, por momentet janë të tilla, arsyet i dinë vetë ata. Ka qenë shumë agresive. Frikë është por nuk kam punë me njeri. Viktimën e kam njohur. Nuk ishte person problematik. Jemi të pasigurt, mjerë atij që i ka rënë.

Banorët dhe tregtarët në Shkodër

Në këtë zonë ku u vra dje Fatos Ferracaku dhe u plagos Fatmir Mehaj në janar të këtij viti nga shpërthimi i tritolit mbetën të plagosur 9 persona. E megjithatë kamerat e sigurisë janë të vetmit dëshmitarë që "guxojnë" të flasin për dinamikën dhe policia e Shkodrës i ka varur shpresat pikërisht tek pamjet filmike.

/b.ha./Shqiptarja.com

TAG:
• vrasjet ne shkoder
• fatmir mehaj
• fatos ferracaku