Shqiptarja.com
Përditësimi i fundit në 07:42 Regjistrohu | Identifikohu 
Home Aktualitet Politikë Ekonomi Sociale Kosova Bota Sport MetroNews Intervista Kulturë Shëndeti Blog Horoskopi
Politike
12 Prill 2012 - 19:53
Rama: Berisha pa
shumicë, i iku truri
TIRANE – Incidenti me votimin e anëtarit të ri të Këshillit të Lartë të Drejtësisë sot në Kuvend është “shprehja më spektakolare e daljes së Kryeministrit nga shinat e trurit”. Është një lum i vërtetë Edi Rama që shpërthen përpara gazetarëve në një konferencë për shtyp të zhvilluar mbrëmjen e sotme në Tiranë.

Kryeministri Berisha “hyri në sallë pa shumicë”, tha Rama, “qëndroi në sallë si një vjedhës i rëndomtë votash. Doli nga salla i zhveshur edhe nga legjitimiteti i numrave”. Sipas liderit socialist, “kriza e votës së fshehtë shpërtheu në formë rrugaçërie” sot në Parlament.

“Ai nuk ka patur asnjëherë shumicë as në Parlament nëse nuk e kontrollon siç bëri sot në rolin e Ristanit, me ndihmën e Jozefinës në rolin e Sashenkës dhe Patozin në rolin e Tomës që ha përshesh. Kriza e votës së fshehtë ka kohë që ka hyrë edhe në Parlament. Sot ajo shpërtheu në formën e një rugaçërie turpëruese për vendin dhe Shqipërinë", deklaroi Rama.

“Saliu tregoi se pa e mbajtur Parlamentin të lidhur me pahir nuk është në gjendje t’i hipë as kalit që kemi ndërmend t’i çojmë për të shkuar në Vlorë”, deklaroi Rama, sipas të cilit votimi i sotëm “u kthye nga një garë në një emërim të dhunshëm”.

“Berisha tërheq prapa shqiptarët në rrugën e rrënimit”, deklaroi kryetari i PS.

Në vijim deklarata e plotë e Edi Ramës:

Kryeministri dha sot provën më ulëritëse të faktit se jo vetëm nuk merr dot pushtet me votë të lirë, por as mban dot pushtet pa grabitur vota edhe brenda në parlament. Ai as ka pasur as mund të ketë ndonjëherë shumicë në kutinë e votimit të fshehtë, nëse nuk e manipulon votën duke e kontrolluar atë, siç e kontrolloi sot duke bërë vetë, personalisht, rolin e Ristanit me ndihmën e Jozefinës, në rolin e Sashenkës – ndërsa Patozi është Toma dhe njësoj si Toma ha përshesh, kështu që e lëmë jashtë.

Kriza e votës së fshehtë ka kohë që ka hyrë edhe në parlament, po sot ajo shpërtheu në formën e një rrugaçërie turpëruese për parlamentin, për shoqërinë, për vetë Shqipërinë, që u diskredituan nga kryeministri dora vetë në rolin e një pengmarrësi të rëndomtë të procesit të votimit, si ata pengmarrësit e Ruzhdies apo të situatave të tjera të njohura botërisht për publikun.

Sot Saliu u fut me kokë në rolin e Ristanit për të imponuar një standard të panjohur dhe të papranueshëm parlamentar, duke e kthyer votimin nga një garë në një emërim të dhunshëm; nga një zgjedhje e lirë e çdo deputeti në një zgjedhë për të gjithë deputetët e vënë në rresht përmes kërcënimit të leximit të fletës së votimit nëpërmjet shenjave; nga një proces kushtetues, mbështetur mbi rregulloren dhe praktikën parlamentare, në një proces që është shprehja më flagrante e shkeljes së Kushtetutës, rregullores së parlamentit, praktikës parlamentare dhe po ashtu shprehja më spektakolare e daljes së kryeministrit nga shinat e trurit.

Ky proces u tregoi të gjithëve se nëse Shqipëria dhe shqiptarët përpiqen me mund të shkojnë drejt Europës, Sali Berisha vazhdon t’i tërheqë mbrapa në rrugën e rrënimit të mëtejshëm.

Sot kryeministri u dha të gjithëve provën më kuptimplotë të nevojës jetike që ka për ta mbajtur pushtetin e lindur nga vjedhja e votave, vetëm përmes vjedhjeve të njëpasnjëshme, deri dhe duke vjedhur votën e deputetëve e të vetë ministrave të tij përmes manipulimit të procesit të votimit.

Po t’i kishte pasur vërtet ato 71 vota që i mori pasi refuzoi votimin me dy alternativa, por pa shenja kontrolluese në fletën e votimit, kryeministrit s’do t’i duhej fare të merrte rolin e Arben Ristanit. Por sot ai hyri në sallë pa shumicë, qëndroi në sallë jo më si regjisor i manipulimeve të njohura të zgjedhjeve po si një vjedhës i rëndomtë votash, dhe doli nga salla i zhveshur edhe prej atij legjitimiteti fallto që i’a jepnin deri dje vetëm formalisht numrat në parlament.

Lidhja me pahir e drejtësisë deri në qelizën e fundit është një shtysë e papërmbajtshme brenda tij, sepse një drejtësi e zgjidhur lidh atë të parin.

Lidhja me pahir e deputetëve që deri sot i kanë mbajtur në këmbë pushtetin e tij të vjedhur për të vjedhur Shqipërinë, është po ashtu një shtysë e papërmbajtshme brenda tij, sepse me deputetë të zgjidhur nga kontrolli i votës së fshehtë ai nuk mban dot më as veten në këmbë e jo më pushtetin e tij të vjedhur.

Sot Saliu tregoi se pa e mbajtur parlamentin të lidhur me pahir deri në fund, ka shumë të ngjarë të mos jetë në gjendje t’i hipë si kryeministër as kalit që kemi ndërmend t’i çojmë për të shkuar në Vlorën e lënë pa rrugë, ditën e 100 vjetorit të pavarësisë. Por një kalë e siguroj se do ia bëjmë dhuratë, edhe po se mbërriti dot atë ditë si kryeministër.

(im/shqiptarja.com)

7 Ndiqni Shqiptarja.comFacebook dhe në Twitter

Licenza Creative Commons
Ndalohet riprodhimi i shkrimit!
avatar

   
Komentet janë të hapura dhe nuk është e nevojshme të jesh i regjistruar.
avatar
Anonim
Marko Nese nuk do te jete ne gjendje te hipe kalin qe do ti ēoni...Le te hype Ilir Meten ne vend te gomarit.. e po mos i shkoi per shtat, le te "hype" gomaricen.. Spikeren.. ose me per shtat i shkon "DIZINJATOREN"...Kujdes nga kali i Trojes...historia ben apel...
avatar
Anonim
alda opozita ka kohe qe per mua ka vdekur gazetaria eshte e shitur populli eshte i lodhur shteti nuk ekziston presidenti eshte i marre peng si nuk arrini te kuptoni se sot kemi pasur nje grusht shteti nga kryetarja e kuvendit dhe se ne udhehiqemi nga dy njerez te papergjegjshem berisha e topalli.Opozita per mua ka vdekur Gazetaria eshte e shitur e verteta eshte e hidhur
avatar
Anonim
saliu Me kete opozite mund ta kthejme vendin edhe njehere ne monarki. Kot qe flasim e hyjme ne zgjedhje se kutite ka kohe qe jane mbushur
Rezultate tė tjera: 1
Intervista
Humbja e PD nė zgjedhje, Salianji: Basha mori pėrgjegjėsitė e duhura
Sėmundja e rrallė, 19 vitet e vėshtira tė Geraldinės
​Nis rindėrtimi i Rrugės sė Dibrės Veliaj: Po mbaj premtimet
Këndi i Njoftimeve
Shtypi i ditës
Datë 22/07/2017, Viti VII - NR.171