Pjestarë të 100 organizatave rinore në gjithë shqipërinë u mblodhën sot në pallatin e kongreseve për asamblenë e përgjithshme. Diskutimet e tyre ishin në lidhje me punën që është bërë gjatë gjithë vitit, si dhe mbi prioretet e vitit të ardhshëm.
Organizatorja Dafina Peçi tha se kjo asamble i është dedikuar të rinjve. Ajo shtoi se interesi i tyre për të qenë pjesë e vendimarrjeve politike në vend sa vjen dhe rritet.
Ndërsa të rinjtë tregojnë se si e shohin sot vëmendjen që i jepet rinisë nga politika. Ata tregojnë interesin e tyre në këtë fushë si dhe dëshirën për të kontribuar brenda vendit dhe jo jashtë tij.
Kongresi Rinor Kombëtar do të jetë sot dhe nesër tek Pallati i Kongreseve. Qëllimi kryesor i tij është të diskutojë më tej mbi mënyrat më të efektshme të adresimit të çështjeve prioritare për rininë, si arsimi, Rritja e pjesëmarrjes së të rinjve në vendimmarrje, Këshillimi i karrierës, Përfshirja e shoqërisë civile në procesin e Integrimit në Bashkimin Europian etj.