Janë investuar 1 miliard lekë për ujësjellësin e ri të fshatit Troshan të njësisë Administrative të Blinishtit në Lezhë, por banorët e Troshanit përsëri nuk kanë ujë në shtëpitë e tyre.
Përballë kësaj situatë një përfaqësi e banorëve i janë drejtuar bashkisë Lezhë për të gjetur zgjidhje. Ata zhvilluan një takim më përfaqësues të kësaj njësie vendore, duke ju prezantuar problematikën. Sipas banorëve:
Ujësjellësi i ri është ndërtuar pa standarde, ndaj dhe uji i pijshëm mungon sërish.
Banorët e Lezhës
Ndërsa bashkia Lezhë thotë se shkak i mungesës së ujit janë ndërhyrjet e paligjshme në rrjet, dhe ditët e fundit është ndërhyrë për ndërprerjen e tyre. Gjithashtu NënKryetarja e bashkisë, Alfrida Marku u shpreh:
Do të vendosen dhe matësat e ujit pa pagesë për çdo familje dhe kjo do ti japë zgjidhje këtij problemi.
Alfrida Marku N\Kryetare e bashkisë Lezhë
Ujësjellësi i ri i Troshanit është vënë në funksion 1 vit më parë, por banorët pretendojnë se ky investim nuk i ka dhënë zgjidhje sërish problemit të ujit.