‘Nxiti dhunë’/ ‘Lëvizja Për Universitetin pro nesh’/ Studentët qëndrime të ndryshme për pedagogun

9 Dhjetor 2018, 12:34

Studentët janë të ndarë për qëndrimin në lidhje me pedagogun Jani Marka, pjesë e lëvizjes Për Universitetin, i cili u largua nga podiumi. “Këtu nuk ka mbështetje por përçarje. Të shporrim ata që erdhën për ta na përçarë, mos bini pre e dhunës. Profesori që larguam bëri thirrje për përçarë, nxiti dhunë për forumet partiake. Profesori kërcënoi me jetë njëri nga studentët dhe ai do të shkojë që ta denoncojë. Nëse lëvizja vjen për kauzat tona le të vijë nëse jo  nuk e pranojmë” tha njëra nga studentet. Ndërsa një tjetër studente, ishte kundër duke shprehur mbështetjen për pedagogun, pasi sipas saj ka qenë pro kauzave të tyre. “Nuk është e vërtetë që Lëvizja për Universitetin mbështet Veliajn. Lëvizja është një lëvizje e cila ka iniciuar reformën kur këta nuk ishin fare në shesh”.