Kryeministri Edi Rama ka pritur ditën e sotme në një takim zyrtar presidenten kroate, Kolinda Grabar Kitaroviç.
Rama i ka uruar mirëseardhjen Presidentes kroate në Kryeministri. Në pamjet e shpërndara nga zyra e shtypit të Ramës, duket kryeministri që i shpjegon Kitaroviç ambientet e kryeministrisë.
Rama dhe Kitaroviç u takuan më herët në samitin e NATO-s, ku ata shkrepën foton e “famshme” e të komentuar gjerësisht në rrjetet sociale.
Presidentja kroate, Kolinda Grabar Kitaroviç, ndodhet në një vizitë zyrtare 2 ditore në Tiranë, ku ka zhvilluar takime me krerët kryesorë të shtetit shqiptar. Më herët në Parlament, Kitaroviç ka thënë se mes dy vendeve ekziston një miqësi e vjetër dhe se nuk ka patur konflikte përgjatë historisë.