Receta e ditës - Tavë me kungull e oriz dhe sallatë mikse / Pjesa e dytë

Receta e dytë : Sallatë MIX

Përbërësit :

70 gr sallatë jeshile

50 gr radikjo

60 gr rukola

100 gr rrepa të kuqe

2 vezë të ziera

1 avokado

3 lugë gjelle uthull balsamike

Vaj ulliri

Kripë dhe piper i zi

Fillimisht ziejmë vezët 10 minuta dhe i lëmë të ftohen. Lajmë, thajmë sallatat me gjethe si sallatën jeshile, radikjon, dhe rukolën. I vendosim në tas duke i copëtuar me dorë. Presim rrepat në rrathë ose në gjysëm rrathë dhe i vendosim në sallatë.

Përgatisim dresingun duke trazuar uthullën me  kripë, piper, pak sheqer e vaj. I trazojmë mirë dhe ia hedhim sallatës për ta marinuar. Vendosim sallatën në një tas. Qërojmë avokadon dhe e presim atë në feta dhe e  shpërndajmë nëpër sallatë. Më pas shtojmë dhe vezët dhe gjithçka është gati.