Studenti për Report Tv: Pedagogu është me ne, po na përçajnë militantët e partive

9 Dhjetor 2018, 12:10

Një student në protestë ka reaguar pas incidentit me pedagogun Jani Marka duke i dalë në mbrojtje, ndërsa ka akuzuar se një grup prej 20-30 personash po përçajnë protestën. “Pedagogu është i Biologjisë te Shkencat e Natyrës ka bërë dhjetëra protesta për të na mbrojtur ne. Nuk e dimë se çfarë ndodhi aty. Pedagogu ka ardhur dhe ka mbajtur fjalime, nuk e ka përmendur asnjëherë lëvizjen Për Universitetin. Ne kemi në parulla ftesën për pedagogun, ndërkohë që ata vijnë, disa përçarës aty e largojnë. Kjo lëvizje na mbështet ne, ndërsa partitë mundohen që të na përçajë. Është një grup prej 20-30 vetash që mbajnë megafonin në dorë dhe nuk lejojnë që të flasin të tjerët. Këta janë të verbër nga informacionet e gabuara dhe thonë që kjo lëvizje është kundër nesh” tha ai.