KUKËS- Një aksident me pasojë vdekjen e dy personave ka ndodhur në autostradën Kalimash-Morinë. Aksidenti ka ndodhur në vendin e quajtur "Shkodra Beton", ku një mjet tip "Golf", ka dal nga rruga, e për pasojë kanë humbur jetën Shpëtim Manaj dhe Klisman Uka.
Ky i fundit është dërguar me urgjencë drejt spitalit të Traumës në Tiranë, por nuk mundi që t'i mbijetonte plagëve të marra. Fatmirësisht nga aksidenti i ndodhur, drejtuesi i mjetit Samet Elezaj ndodhet jashtë rrezikut për jetën.Në vendin e ngjarjes ndodhet grupi hetimor ku po punon për përcaktimin e shkaqeve të aksidentit.