TIRANË- Ekipi i mjekëve italianë dhe i Mbrojtjes Civile kanë përfunduar sot misionin e tyre në Shqipëri, ku kanë ofruar eksperiencën e tyre për ekipet e mjekëve shqiptarë në spitalet COVID si dhe për menaxhimin dhe organizimin spitalor.
Ambasadori i Italisë në Shqipëri, Fabrizio Bucci tha se ky është vetëm fillimi i një rrugëtimi të përbashkët në sfidën ndaj COVID-it.
Ekipi ynë shëndetësor kthehet sot në Itali pas dy javësh intensive pune në Shqipëri. Ky qe fillimi i një rrugëtimi në të cilin do të vazhdojmë të punojmë së bashku për të fituar sfidën ndaj Covid-19! Mirupafshim dhe Faleminderit", shkruan ambasada.
Para largimit, bluzat e bardha u pritën edhe nga ministrja e Shëndetësisë, Ogerta Manastirliu.