Pllakos heshtja e mortit në Durrës, sot i jepet lamtumira e fundit 8 anëtarëve të familjes Lala (FOTO)

1 / 19
2 / 19
3 / 19
4 / 19
5 / 19
6 / 19
7 / 19
8 / 19
9 / 19
10 / 19
11 / 19
12 / 19
13 / 19
14 / 19
15 / 19
16 / 19
17 / 19
18 / 19
19 / 19
30 Nëntor 2019, 11:34

Në qytetin e Durrësit ka pllakosur heshtja e mortit. Të vetmit zëra që dëgjohen janë të qarat e të afërmve dhe kuja e vajtimoreve që po përcejllin trupa e 8 familjarëve Lala të cilët humbën jetën në tërmetin vdekjeprurës të 26 nëntorit.

8 anëtarët e familjes Lala do të përcillen sot në varreza nga qindra familjarë të afërm, e qytetarë të ndryshëm. Homazhet po zhvillohen në pallatin e Kulturës në Durrës, ndërsa varrimi do të bëhet në orën 11.00.

Sot iu jepet lamtumira Sahadetës, Ilirit, Marjetës, Griseldës, Amalias, Emiljos, Dionisës dhe Enisit.

Familja Lala, me origjinë nga Dibra, por jetonte prej vitesh në qytetin bregdetar. Banesa e tyre u shemb dhe për rrjedhojë kanë humbur jetën tetë anëtarë të familjes. I vetmi i mbijetuar ishte Ramë Lala, 17-vjeçari i cili u arrit të nxirrej i gjallë nga grupet e shpëtimit. 17-vjeçari është dërguar ditën e djeshme në Itali për të marrë një ndihmë më të specializuar.